Back to LanguagesPrevious ChapterNext Chapter EnglishArabicUrduHindiTamilBengali
Nepali - Chapter 78 - An-Naba
Translation by Ahl Al Hadith Central Society Of Nepal — Permalink
Verse 1 — Surah An-Naba 78:1
(यी) मानिसहरूले कुन कुराको बारेमा सोधपूछ गरिराखेका छन्
Verse 2 — Surah An-Naba 78:2
(के) त्यस ठूलो समाचारको बारेमा
Verse 3 — Surah An-Naba 78:3
जसमा यिनीहरूले मतभेद गरिराखेका छन्
Verse 4 — Surah An-Naba 78:4
हेर, यिनीहरूले शीघ्र नै थाहा पाउनेछन् ।
Verse 5 — Surah An-Naba 78:5
अनि यकिनको साथ यिनीहरूले शीघ्र नै थाहा पाउनेछन् ।
Verse 6 — Surah An-Naba 78:6
के हामीले धरतीलाई ओछ्यान बनाएनौं
Verse 7 — Surah An-Naba 78:7
र पहाडहरूलाई मेख खम्बा
Verse 8 — Surah An-Naba 78:8
र हामीले तिमीलाई जोडी–जोडी सृष्टि गर्यौं ।
Verse 9 — Surah An-Naba 78:9
र हामीले तिम्रा निद्रालाई आरामको माध्यम बनायौं ।
Verse 10 — Surah An-Naba 78:10
र रातलाई पर्दा बनायौं ।
Verse 11 — Surah An-Naba 78:11
र दिनलाई जीविकोपार्जनको समय बनायौं ।
Verse 12 — Surah An-Naba 78:12
र तिमीमाथि हामीले सातवटा सुदृढ आकाश निर्मित गर्यौं
Verse 13 — Surah An-Naba 78:13
र एक चम्किलो प्रकाशमान सूर्य बनायौं ।
Verse 14 — Surah An-Naba 78:14
र बादलहरूबाट हामीले पानीको बृष्टि गरायौं ।
Verse 15 — Surah An-Naba 78:15
ताकि त्यसबाट अन्न र सब्जी उत्पन्न गरौं
Verse 16 — Surah An-Naba 78:16
र बाक्ला घना बगैंचाहरू
Verse 17 — Surah An-Naba 78:17
निःसन्देह फैसलाको दिन निश्चित छ
Verse 18 — Surah An-Naba 78:18
जुन दिन सूरमा फूँकिनेछ, अनि तिमीहरू समूह–समूहमा आई उपस्थित हुनेछौ ।
Verse 19 — Surah An-Naba 78:19
र आकाश खोलिनेछ, (त्यसमा) ढोकैढोका हुनेछ ।
Verse 20 — Surah An-Naba 78:20
र पहाड चलाइनेछन्, तब तिनीहरू रेत (बालुवा) भइहाल्नेछन् ।
Verse 21 — Surah An-Naba 78:21
निःसंदेह जहन्नम घातमा छ ।
Verse 22 — Surah An-Naba 78:22
अर्थात् उल्लंघनकारीहरूको बासस्थान हो ।
Verse 23 — Surah An-Naba 78:23
त्यसमा तिनीहरू वर्षौंवर्षसम्म रहनेछन् ।
Verse 24 — Surah An-Naba 78:24
उनीहरू न त्यसमा शीतलताको स्वाद चाख्नेछन् र न कुनै पेयको ।
Verse 25 — Surah An-Naba 78:25
उम्लिराखेको पानी र बगिराखेको पीप मात्र हुनेछ ।
Verse 26 — Surah An-Naba 78:26
उनीहरूले पूरा–पूर प्रतिफल पाउनेछन् ।
Verse 27 — Surah An-Naba 78:27
उनीहरूलाई त हिसाबको आशा नै थिएन ।
Verse 28 — Surah An-Naba 78:28
र निडर भएर उनीहरूले हाम्रा आयतहरूको उपहास गर्दथे ।
Verse 29 — Surah An-Naba 78:29
हामीले प्रत्येक कुरालाई लेखेर गन्तीमा राखेका छौं ।
Verse 30 — Surah An-Naba 78:30
तसर्थ (अब) तिमीले आफ्नो कर्मको स्वाद चाख । हामीले तिमीमाथि यातनाको वृद्धि गर्दै जानेछौं ।
Verse 31 — Surah An-Naba 78:31
निःसन्देह संयमीहरूको निम्ति ठूलो सफलता छ ।
Verse 32 — Surah An-Naba 78:32
बगैचाहरू छन्, र अँगूरहरू छन् ।
Verse 33 — Surah An-Naba 78:33
नौयवना कुमारी युवतीहरू छिन् ।
Verse 34 — Surah An-Naba 78:34
र शराबका (मदिराका) टनाटन्न भरिएका गिलासहरू ।
Verse 35 — Surah An-Naba 78:35
उनीहरूले त्यहाँ न त कुनै व्यर्थका कुरा सुन्नेछन्, नत झूठ कुरो सुन्ने छन् ।
Verse 36 — Surah An-Naba 78:36
तिम्रो पालनकर्ताको तर्फबाट (उनीहरूको राम्रो) कर्मको प्रतिफल हुनेछ
Verse 37 — Surah An-Naba 78:37
उसको तर्फबाट जो आकाशहरू र पृथ्वीको र तिनको बीचमा जे छ त्यसको पालनकर्ता हो । र धेरै कृपाशील छ । कसैलाई उनीसित कुराकानी गर्ने अधिकार छैन ।
Verse 38 — Surah An-Naba 78:38
जुन दिन आत्मा र फरिश्ताहरू पंक्तिबद्ध भएर उभिनेछन् तर कोही कुरो गर्न सक्दैन परन्तु जसलाई अललाहले आज्ञा दिन्छ र उसले ठीक कुरो मुखबाट निकाल्नेछ ।
Verse 39 — Surah An-Naba 78:39
त्यो दिन सत्य (सुनिश्चित) छ । अब जसले चाहन्छ (सत्कर्म गरेर) आफ्नो पालनकर्ताकहाँ राम्रो ठेगाना बनाओस् ।
Verse 40 — Surah An-Naba 78:40
हामीले तिमीसित छिटै आउनेवाला सजायबाट डरायौं । जुनदिन मान्छे आफूले गरेको कमाई देख्नेछ र काफिर भन्ने छन् कि काश हामी माटो भइहालेको भए ।