Back to LanguagesPrevious ChapterNext Chapter EnglishArabicUrduHindiTamilBengali
Sinhala - Chapter 53 - An-Najm
Translation by Www.islamhouse.com — Permalink
Verse 1 — Surah An-Najm 53:1
තවද වැටී (සැඟවී) යන තරු මත දිවුරමින්
Verse 2 — Surah An-Najm 53:2
තවද නුඹලාගේ සහචරයා (වන මුහම්මද්) මංමුළා නොවීය. තවද ඔහු නොමග නොගියේය
Verse 3 — Surah An-Najm 53:3
තවද ඔහු මනෝ ඉච්ඡාවෙන් කතා නොකරයි
Verse 4 — Surah An-Najm 53:4
එය හෙළි දරව් කරන ලද දේව පණිවිඩ මිස නැත
Verse 5 — Surah An-Najm 53:5
අති බලවත් කෙනෙකු (වන ජිබ්රයීල්) එය ඉගැන්වීය
Verse 6 — Surah An-Najm 53:6
(ඔහු අලංකාර) පරිපූර්ණ හැඩයෙන් යුක්ත විය. තවද ඔහු (ඉහළට නැග නබි ඉදිරියේ) දිස් වූවේය
Verse 7 — Surah An-Najm 53:7
තවද ඔහු ඉහළම ක්ෂතිජයෙහි විය
Verse 8 — Surah An-Najm 53:8
පසු ව ඔහු පහළට පැමිණ (ඔහු) අසළටම පැමිණියේය
Verse 9 — Surah An-Najm 53:9
එවිට ඔහු දුනු දෙකක දුර ප්රමාණයට විය. එසේ නැතහොත් ඊටත් වඩා සමීප විය
Verse 10 — Surah An-Najm 53:10
එවිට (අල්ලාහ්) ඔහුට හෙළි කළ දේ, ඔහු ඔහුගේ ගැත්තා ( වූ නබිවරයා) ට හෙළි කළේය
Verse 11 — Surah An-Najm 53:11
ඔහු (නබිවරයා) දුටු දෑ (ඔහුගේ) සිත බොරු නොකළේය
Verse 12 — Surah An-Najm 53:12
එහෙයින් ඔහු දුටු දෑ සම්බන්ධයෙන් නුඹලා ඔහු සමග වාද කරන්නෙහු ද
Verse 13 — Surah An-Najm 53:13
තවද, නිසකවම ඔහු (නබිවරයා) තවත් වතාවක් ඔහු (ජිබ්රයීල්ව සිය සැබෑ ස්වරූපයෙන්) පහළ වනු දුටුවේය
Verse 14 — Surah An-Najm 53:14
සිද්රතුල් මුන්තහා (හෙවත් මායිම පිහිටි ගසක්) අබියසය
Verse 15 — Surah An-Najm 53:15
ඒ අබියස ජන්නතුල් මඃවා (හෙවත් ස්වර්ග උයන) විය
Verse 16 — Surah An-Najm 53:16
සිද්රා ගස ආවරණය කරන දෑ ආවරණය කරන විට
Verse 17 — Surah An-Najm 53:17
බැල්ම ඉවත් නොවීය. එසේම එය සීමාව ඉක්ම නොවීය
Verse 18 — Surah An-Najm 53:18
තම උත්තම පරමාධිපතිගේ ඉමහත් සංඥාවන් කිහිපයක් සැබැවින්ම ඔහු දුටුවේය
Verse 19 — Surah An-Najm 53:19
ලාත් හා උzස්zසා නුඹලා දුටුවෙහු ද
Verse 20 — Surah An-Najm 53:20
අනෙක් තුන්වැනියා මනාත්ය
Verse 21 — Surah An-Najm 53:21
නුඹලාට පිරිමි(දරුව)න් හා ඔහුට ගැහැනු(දරුව)න් ද
Verse 22 — Surah An-Najm 53:22
එවිට එය අසාධාරණ බෙදීමකි
Verse 23 — Surah An-Najm 53:23
ඒවා නුඹලා හා නුඹලාගේ මුතුන් මිත්තන් ඒවාට නම් තැබූ (හිස් අර්ථ) නාමයන් මිස නැත. ඒවා පිළිබඳ කිසිදු බලතල අල්ලාහ් පහළ නොකළේය. ඔවුහු අනුමානය හා සිත් ආශා කරන දෑ මිස (වෙනෙකක්) අනුගමනය නොකරති. ඔවුන්ගේ පරමාධිපතිගෙන් ඔවුන් වෙත සැබැවින්ම යහමග පැමිණ ඇත
Verse 24 — Surah An-Najm 53:24
එසේ නැතහොත් තමන් කැමති දෑ මිනිසාට තිබේ ද
Verse 25 — Surah An-Najm 53:25
එහෙත් මතු ලොව හා මෙලොව අල්ලාහ් සතුය
Verse 26 — Surah An-Najm 53:26
අහස්හි මලක්වරුන් කොපමණදෝ සිටින්නාහ. ඔවුන්ගේ මැදිහත්වීම කිසිවකින් ප්රයෝජනවත් නොවෙයි. තමන් අභිමත කොට පිළිගත් අයට අල්ලාහ් අනුමැතිය දීමෙන් පසු ව මිස
Verse 27 — Surah An-Najm 53:27
නියත වශයෙන්ම කව්රුන් මතු ලොව පිළිබඳ විශ්වාස නොකරන්නේද ඔවුන් මලක්වරුන්ට ගැහැනුන්ගේ නාමයෙන් නම් තබති
Verse 28 — Surah An-Najm 53:28
තවද ඒ පිළිබඳ ව ඔවුනට කිසිදු දැනුමක් නැත. ඔවුහු අනුමානය මිස වෙනත් කිසිවක් අනුගමනය නොකරති. තවද නියත වශයෙන්ම අනුමානය සත්යයට එරෙහිව වූ කිසිවකට ප්රයෝජනවත් නොවනු ඇත
Verse 29 — Surah An-Najm 53:29
එහෙයින් අප මෙනෙහි කිරීමෙන් පිටුපා මෙලොව ජීවිතය හැර වෙනෙකක් අපේක්ෂා නොකරන අය ඔබ නොසලකා හරිනු
Verse 30 — Surah An-Najm 53:30
එය ඔවුන්ගේ දැනුමේ ප්රමාණයයි. ඔහුගේ මාර්ගයෙන් නොමග ගියවුන් ගැන නියත වශයෙන්ම නුඹගේ පරමාධිපති වන ඔහු මැනවින් දන්නාය. එමෙන්ම යහමග ලැබූවන් ගැන ද ඔහු මැනවින් දන්නාය
Verse 31 — Surah An-Najm 53:31
තවද අහස් හි ඇති දෑ හා මහපොළොවේ ඇති දෑ අල්ලාහ් සතුය. නපුරුකම් කළවුනට ඔවුන් සිදු කළ දෑ අනුව ප්රතිවිපාක දෙනු පිණිසත් යහපත් අයුරින් යහකම් කළවුනට ප්රතිඵල දෙනු පිණිසත්ය
Verse 32 — Surah An-Najm 53:32
ඔවුහු වනාහි සුළු වැරදි හැර මහා පාපයන්ගෙන් හා අශීලාචාර දැයින් වැළකී සිටියවුන් වෙති. නියත වශයෙන්ම නුඹගේ පරමාධිපති සමාව දීමේ දී අප්රමාණය. ඔහු නුඹලා මහපොළොවේ බිහි කළ විට ද නුඹලාගේ මව්වරුන්ගේ කුසවල් තුළ නුඹලා කලලයක් ලෙස සිටි විට ද නුඹලා ගැන මැනවින් දැන සිටියේ ඔහුය. එහෙයින් නුඹලා නුඹලා ගැන ම ශුද්ධවන්තයින් යැයි නොසලකනු. බිය බැතිමතුන් පිළිබඳ ව මැනවින් දන්නා ඔහුය
Verse 33 — Surah An-Najm 53:33
(සත්යය මාර්ගයෙන්) හැරී ගොස්
Verse 34 — Surah An-Najm 53:34
ස්වල්පයක් පිරිනමා (ඉතිරිය) වළක්වා ගත් අය ව නුඹ නොදුටුවෙහි ද
Verse 35 — Surah An-Najm 53:35
ඔහු දකින්නට නම්, ඔහු වෙත සැඟැවුණු ඥානය තිබේද
Verse 36 — Surah An-Najm 53:36
එසේ නැතහොත් මූසාගේ ග්රන්ථයේ ඇති දෑ ඔහු දන්වනු නොලැබුවේ ද
Verse 37 — Surah An-Najm 53:37
(ආඥාවන්) පූර්ණ ව ඉටු කළ ඉබ්රාහීම්ගේ ග්රන්ථයේ ඇති දෑ ඔහු දන්වනු නොලැබුවේ ද
Verse 38 — Surah An-Najm 53:38
එනම්, බර උසුලන්නා තවකෙකුගේ බර උසුළන්නේ නැත
Verse 39 — Surah An-Najm 53:39
මිනිසාට ඔහු උත්සාහ කළ දෑ හැර වෙන කසිවක් නොමැත
Verse 40 — Surah An-Najm 53:40
තවද නියත වශයෙන්ම ඔහුගේ උත්සාහය මතු පෙන්වනු ලැබේ
Verse 41 — Surah An-Najm 53:41
පසු ව පූර්ණවත් ප්රතිඵල ඔහුට පිරිනමනු ලබන්නේය. (යනුවෙන් මූසා හා ඉබ්රාහීම්ගේ ග්රන්ථයේ විය)
Verse 42 — Surah An-Najm 53:42
තවද නියත වශයෙන්ම, අවසානයේදී (සියලු දෙනාගේ) නැවත හැරීයාම, නුඹගේ පරමාධිපති වෙතයි
Verse 43 — Surah An-Najm 53:43
තවද නියත වශයෙන්ම ඔහු සිනහව ඇති කරන්නේය. ඇඬීමටද සලස්වන්නේය
Verse 44 — Surah An-Najm 53:44
තවද නියත වශයෙන්ම ඔහු මරණයට පත් කරවන්නේය. තවද නැවත ප්රාණය දෙන්නේය
Verse 45 — Surah An-Najm 53:45
නියත වශයෙන්ම ඔහු ස්ත්රී පුරුෂ ලෙසින් යුවල මවා ඇත්තේය
Verse 46 — Surah An-Najm 53:46
නියත වශයෙන්ම ඔහු ශුක්රාණු බිඳුවකින් එය විදින විට ( නුඹලාව නිර්මාණය කරන්නේය)
Verse 47 — Surah An-Najm 53:47
තවද නියත වශයෙන්ම නැවතත් නිර්මාණය කිරීම ඔහු කෙරෙහි (වූ වගකීමක්) ය
Verse 48 — Surah An-Najm 53:48
තවද නියත වශයෙන්ම ඔහු පොහොසත් කරවන්නේය. සෑහීමට පත් කරවන්නේය
Verse 49 — Surah An-Najm 53:49
තවද නියත වශයෙන්ම ඔහු ෂිඃරා (නම් දීප්තිමත් තාරකාවෙ)හි හිමිපාණන් වේ
Verse 50 — Surah An-Najm 53:50
තවද නියත වශයෙන්ම පෙර විසූ ආද් ජනයා විනාශ කළේ ද ඔහුය
Verse 51 — Surah An-Najm 53:51
තවද සමූද් ජනයා ද (විනාශ කළේය) එවිට ඔහු (කිසිවෙකු) ඉතිරි නොකළේය
Verse 52 — Surah An-Najm 53:52
තවද පෙර සිටි නූහ්ගේ ජනයා ද (ඔහු විනාශ කළේය.) නියත වශයෙන්ම ඔවුහු දරුණු ලෙස අපරාධ කොට සීමාව ඉක්මවා ගිය පිරිසක් වූහ
Verse 53 — Surah An-Najm 53:53
තවද උඩු යටිකුරු කරනු ලැබූ නගරය ද ඔහු බිමට හෙළුවේ ය
Verse 54 — Surah An-Najm 53:54
එවිට ආවරණය කළ දෑ (වේදනාව) එය ආවරණය කළේය
Verse 55 — Surah An-Najm 53:55
එහෙයින් නුඹගේ පරමාධිපතිගේ කවර අනුග්රහයක් නුඹ සැක කරන්නෙහි ද
Verse 56 — Surah An-Najm 53:56
මෙය පෙර පැවති අවවාද අතුරින් වූ අවවාදයකි
Verse 57 — Surah An-Najm 53:57
සමීප වන දෑ (විනිශ්චය දිනය) සමීප වී ඇත
Verse 58 — Surah An-Najm 53:58
අල්ලාහ්ගෙන් තොර ව නිරාවරණය කරන්නෙකු එයට නැත
Verse 59 — Surah An-Najm 53:59
එහෙයින් මෙම පුවත ගැන නුඹලා පුදුම වන්නෙහුද
Verse 60 — Surah An-Najm 53:60
තවද නුඹලා සිනහ සෙන්නෙහුය. තවද නුඹලා නොහඬා සිටින්නෙහුය
Verse 61 — Surah An-Najm 53:61
නුඹලා නොසැලකිල්ලෙන් සිටිහුය
Verse 62 — Surah An-Najm 53:62
එහෙයින් නුඹලා අල්ලාහ්ට සුජූද් කොට නැමදුම් කරනු