Back to LanguagesPrevious ChapterNext Chapter EnglishArabicUrduHindiTamilBengali
Sinhala - Chapter 52 - At-Tur
Translation by Www.islamhouse.com — Permalink
Verse 1 — Surah At-Tur 52:1
තූර් කන්ද මත දිවුරමින්
Verse 2 — Surah At-Tur 52:2
ලියන ලද ග්රන්ථය මත දිවුරමින්
Verse 3 — Surah At-Tur 52:3
දිගු හරින ලද ලේඛණයෙහි
Verse 4 — Surah At-Tur 52:4
බයිතුල් මඃමූර් (හෙවත් සත් අහසට ඉහළින් ඇති මළක්වරුන්ගේ නැමැදුම් පළ) මත දිවුරමින්
Verse 5 — Surah At-Tur 52:5
ඉහළට ඔසවන ලද වියන මත දිවුරමින්
Verse 6 — Surah At-Tur 52:6
ගිනි මොළවනු ලබන (රැලිවලින් යුත්) මුහුද මත දිවුරමින්
Verse 7 — Surah At-Tur 52:7
නියත වශයෙන්ම නුඹගේ පරමාධිපතිගේ බරපතල දඬුවම සිදුවන්නක්මය
Verse 8 — Surah At-Tur 52:8
එය වළක්වන කිසිවෙකු නැත
Verse 9 — Surah At-Tur 52:9
එදින අහස තදබල චලනයකින් චලනය වන දිනයයි
Verse 10 — Surah At-Tur 52:10
තවද කඳු භයානක සලිතයකින් සලිත වෙයි
Verse 11 — Surah At-Tur 52:11
එහෙයින් බොරු කළවුනට එදින විනාශයයි
Verse 12 — Surah At-Tur 52:12
ඔවුහු වනාහි (පුහු කටයුතු වල) නිරත ව කෙළිලොල් කරමින් සිටින්නෝ වෙති
Verse 13 — Surah At-Tur 52:13
එදින නිරයේ ගින්න වෙත දක්කාගෙන යමින් වැරෙන් තල්ලු කරනු ලැබේ
Verse 14 — Surah At-Tur 52:14
“මෙය නුඹලා කවර ගින්නක් බොරු කරමින් සිටියෙහු ද එම ගින්නයි.”
Verse 15 — Surah At-Tur 52:15
මෙය හූනියමක් ද? එසේ නැතහොත් නුඹලා නොදකින්නෙහු ද
Verse 16 — Surah At-Tur 52:16
නුඹලා එහි පිවිස දැවෙනු. එවිට නුඹලා ඉවසා විඳ දරා ගත්ත ද නොඉවසුව ද නුඹලාට එක සමානය. නියත වශයෙන්ම නුඹලාට ප්රතිඵල පිරිනමනු ලබනුයේ නුඹලා සිදු කරමින් සිටි දෑ සඳහාය
Verse 17 — Surah At-Tur 52:17
නියත වශයෙන්ම බිය බැතිමතුන් (ස්වර්ග) උයන්හි හා සැපතෙහි සිටින්නෝය
Verse 18 — Surah At-Tur 52:18
ඔවුන්ගේ පරමාධිපති ඔවුනට පිරිනැමූ දෑ පිළිබඳ ව සතුටු වන්නන් ලෙස සිටින්නෝය. තවද ඔවුන්ගේ පරමාධිපති නිරයේ දඬුවමින් ඔවුන් ආරක්ෂා කළේය
Verse 19 — Surah At-Tur 52:19
නුඹලා (මෙලොව) සිදු කරමින් සිටි දෑ හේතුවෙන් සතුටින් අනුභව කරනු. තවද පානය කරනු.(යැයි පවසනු ලැබේ)
Verse 20 — Surah At-Tur 52:20
පෙළට තබන ලද ඇඳන් මත හාන්සිවෙමින් (සිටිති). තවද අපි ඔවුනට හූරුන් ඊන් (හෙවත් දැකුම් කලු යුවතියන්) සරණපාවා දෙන්නෙමු
Verse 21 — Surah At-Tur 52:21
තවද කව්රුන් විශ්වාස කළෝද, තවද ඔවුන්ගේ පරපුර විශ්වාසයෙන් යුතු ව ඔවුන්ව අනුගමනය කරන්නේද, ඔවුන්ගේ පරපුර අපි ඔවුන් සමග එක් කරන්නෙමු. තවද ඔවුන්ගේ ක්රියාවෙන් අපි ඔවුනට කිසිවක් අඩු නොකරන්නෙමු. සෑම පුද්ගලයකුම ඔහු උපයා ගත් දෑට ඇපයක් ලෙස සිටින්නේය
Verse 22 — Surah At-Tur 52:22
ඔවුන් ප්රිය කරන දැයින් පලතුරු හා මාංශ අපි ඔවුනට සපයන්නෙමු
Verse 23 — Surah At-Tur 52:23
ඔවුහු එහි (පැන්) කුසලාන හුවමාරු කර ගනිති. කිසිදු නිෂ්ඵල දැයක් හෝ පාපයට පොලඹවීමක් හෝ එහි නැත
Verse 24 — Surah At-Tur 52:24
තවද ඔවුන් වෙනුවෙන් (සේවයේ නිරත) සිටින ළමුන් ඔවුන් වටා යති. නියත වශයෙන්ම ඔවුහු සුරක්ෂා කරන ලද මුතු මෙන් වෙති
Verse 25 — Surah At-Tur 52:25
ඔවුන්ගෙන් ඇතැමෙක් ඇතැමෙකු වෙතට මුහුණලමින් එකිනෙකා විමසා ගනිති
Verse 26 — Surah At-Tur 52:26
“මීට පෙර නියත වශයෙන්ම අපි අපගේ පවුල සම්බන්ධයෙන් බියට පත්වන්නන් ලෙස සිටියෙමු” යැයි ඔවුහු පවසති
Verse 27 — Surah At-Tur 52:27
“එවිට අල්ලාහ් අප වෙත උපකාර කළේය. තවද පිලිස්සෙන ගින්නේ වේදනාවෙන් ඔහු අප මුදවා ගත්තේය.”
Verse 28 — Surah At-Tur 52:28
“නියත වශයෙන්ම අපි පෙර සිටම ඔහුට අයැදිමින් සිටියෙමු. නියත වශයෙන්ම ඔහු උපාකාරශීලී මහා කරුණාවන්තය.”
Verse 29 — Surah At-Tur 52:29
එහෙයින් නුඹ උපදෙස් දෙනු. නුඹේ පරමාධිපතිගේ ආශිර්වාදයෙන් නුඹ පේන කියන්නෙකු හෝ උම්මත්තකයකු හෝ නොවේ
Verse 30 — Surah At-Tur 52:30
“එසේ නැතහොත් ඔහු කවියෙකි. කාලයාගේ ඇවෑම (ඔහු විනාශ කරනු ඇතැයි) අපි ඔහු ගැන බලාපොරොත්තු වන්නෙමු” යැයි ඔවුහු පවසන්නෝ ද
Verse 31 — Surah At-Tur 52:31
“නුඹලා බලාපොරොත්තුවෙන් සිටිනු. එවිට නියත වශයෙන්ම මම ද බලාපෙරොත්තු වන්නන් අතුරින් වෙමි” යැයි (නබිවරය) නුඹ පවසනු
Verse 32 — Surah At-Tur 52:32
එසේ නැතහොත් ඔවුන්ගේ සිතුවිලි ඔවුනට මේ ගැන නියෝග කරන්නේ ද? එසේ නැතහොත් ඔවුහු සීමාව ඉක්මවා ගිය පිරිසක් ද
Verse 33 — Surah At-Tur 52:33
එසේ නැතහොත් “මෙය ඔහු ගෙතුවේයැ”යි ඔවුහු පවසන්නෝ ද? එසේ නොව ඔවුහු විශ්වාස නොකරති
Verse 34 — Surah At-Tur 52:34
ඔවුන් සත්යවාදීන් ලෙස සිටියෙහු නම් මේ හා සමාන ප්රකාශයක් ඔවුහු ගෙන ආ යුතුය
Verse 35 — Surah At-Tur 52:35
එසේ නැතහොත් කිසිවක් නොමැති ව ඔවුන් මවනු ලැබුවෝ ද? එසේ නැතහොත් මවන්නෝ ඔවුහු ද
Verse 36 — Surah At-Tur 52:36
එසේ නැතහොත් ඔවුහු අහස් හා මහපොළොව මැව්වෝද? එසේ නොව ඔවුහු විශ්වාස නොකරති
Verse 37 — Surah At-Tur 52:37
එසේ නැතහොත් ඔවුන් අබියස නුඹගේ පරමාධිපතිගේ නිදානයන් තිබේ ද? එසේ නැතහොත් (ඒ මත) ආධිපත්යය දරන්නෝ ඔවුහු ද
Verse 38 — Surah At-Tur 52:38
නැත්නම් ඔවුන්ට ඉණිමගක් තිබී එහි ( අහසේ දේව පණිවිඩවලට) ඇහුම්කන් දෙත්ද? එසේ නම් ඔවුන්ගෙන් සවන්දෙන්නා පැහැදිලි සාධකයක් ගෙනෙත්වා
Verse 39 — Surah At-Tur 52:39
එසේ නැතහොත් (අල්ලාහ් වන) ඔහුට දූවරුන් වී නුඹලාට (පමණක්) පුතුන් වීද
Verse 40 — Surah At-Tur 52:40
එසේ නැතහොත් නුඹ ඔවුන්ගෙන් යම්කිසි කුලියක් ඉල්ලන්නෙහි ද? ඒ හේතුවෙන් ඔවුහු ණය බර උසුලන්නෝ ද
Verse 41 — Surah At-Tur 52:41
එසේ නැතහොත් ඔවුන් අබියස අදෘශ්යමාන දෑ (පිළිබඳ ඥානය) තිබී ඔවුහු සටහන් කරන්නෝ ද
Verse 42 — Surah At-Tur 52:42
එසේ නැතහොත් ඔවුහු කුමන්ත්රණයක් (නුඹට එරෙහිව කිරීමට) අදහස් කරන්නෝ ද? ප්රතික්ෂේප කළවුන් වන ඔවුහුමය කුමන්ත්රණයේ හසු වී සිටින්නෝ
Verse 43 — Surah At-Tur 52:43
එසේ නැතහොත් අල්ලාහ්ගෙන් තොර ව (වෙනත්) දෙවිඳෙකු ඔවුනට සිටිත් ද? ඔවුන් ආදේශ තබන දැයින් අල්ලාහ් සුවිශුද්ධය
Verse 44 — Surah At-Tur 52:44
තවද අහසින් කැබැල්ලක් වැටෙනු ඔවුහු දුටුවා වුවද (ඒවා) ගොඩගැසුනු වලාකුළු සමූහයක් යැයි ඔවුහු පවසති
Verse 45 — Surah At-Tur 52:45
එහෙයින් එහි ඔවුන් විනාශ කරනු ලබන ඔවුන්ගේ දිනය ඔවුන් හමු වන තෙක් නුඹ ඔවුන් අතහැර දමනු
Verse 46 — Surah At-Tur 52:46
එදින ඔවුන්ගේ කුමන්ත්රණය ඔවුනට කිසිවකින් ප්රයෝජනවත් නොවෙයි. තවද ඔවුහු උදව් කරනු නොලබති
Verse 47 — Surah At-Tur 52:47
තවද නියත වශයෙන්ම අපරාධ කළවුනට ඒ (ලොවේ දඬුවම) හැර තවත් දඬුවමක් ඇත. නමුත් ඔවුන්ගෙන් බහුතරයක් දෙනා නොදනිති
Verse 48 — Surah At-Tur 52:48
නුඹගේ පරමාධිපතිගේ නියෝගය උදෙසා ඉවසා සිටිනු. මන්ද නියත වශයෙන්ම නුඹ සිටිනුයේ අපගේ ඇස් ඉදිරිපිටය. තවද නුඹ අවදි වන අවස්ථාවේ නුඹගේ පරමාධිපතිගේ ප්රශංසා ව තුළින් නුඹ සුවිශුද්ධ කරනු
Verse 49 — Surah At-Tur 52:49
තවද රාත්රියෙහි ද තරු බැස යන අවස්ථාවෙහි ද නුඹ ඔහු සුවිශුද්ධ කරනු