Back to LanguagesPrevious ChapterNext Chapter EnglishArabicUrduHindiTamilBengali
Somali - Chapter 15 - Al-Hijr
Translation by Abdullah Hasan Jacob — Permalink
Verse 1 — Surah Al-Hijr 15:1
Alif Laam Raa1. Kuwakani waa Aayadaha Kitaabka, oo Qur'aan ah ka yeela (arrimaha) caddaan
Verse 2 — Surah Al-Hijr 15:2
Wax badan bay kuwaa (xaqa) rumeysan waaya jecleysan doonaan inay ahaayeen Muslimiin
Verse 3 — Surah Al-Hijr 15:3
Iska daa wax ha iska cunaane oo ha iska raaxaystaan iyo (in) rajo maawiliso. Durbase way ogaan doonaan
Verse 4 — Surah Al-Hijr 15:4
Oo ma jirto magaalo aan rognay oo aan lahayn waqti la yaqaan oo qoran
Verse 5 — Surah Al-Hijr 15:5
Kama hor mari karto ummadi muddadeeda, mana dib dhigi karaan
Verse 6 — Surah Al-Hijr 15:6
Oo waxay yidhaahdaan: Adigaaganow ah kan Waanada (Qur’aanka) lagu soo dejiyey3! Hubaal adigu xaqiiq waxaad tahay ku waalan
Verse 7 — Surah Al-Hijr 15:7
Maxaad noogu keeni weyday malaa’igta haddii aad tahay mid ka mid ah runowlyada
Verse 8 — Surah Al-Hijr 15:8
Uma soo dirno malaa’igta waxaan xaq4 aheyn, oo markaas lama siiyeen wax nafis ah
Verse 9 — Surah Al-Hijr 15:9
Hubaal Annaga (Allaah ah) baa soo waxyoonnay Waanada (Qur’aanka) oo hubaal Annagaa xaqiiq ah ilaaliyayaasheeda
Verse 10 — Surah Al-Hijr 15:10
Oo xaqiiq Waxaan soo dirnay Rusul hortaa ummadahii hore dhexdood
Verse 11 — Surah Al-Hijr 15:11
Oo ma jirin Rasuul u yimaada oo aysan ku jees-jeesin
Verse 12 — Surah Al-Hijr 15:12
Sidaas baan ugu yeelnaa (diiddada Xa- qa) inay u gasho quluubta dambiilayaasha
Verse 13 — Surah Al-Hijr 15:13
Ma rumeeyaan waxa ku soo arooray, oo dhab ahaan waxaa hore maray tusaalihii kuwii hore ee tegay
Verse 14 — Surah Al-Hijr 15:14
Oo xitaa haddii aan uga furno albaab samada oo ay kor ugu cir tagaan
Verse 15 — Surah Al-Hijr 15:15
Waxay hubaal odhanayaan: Waxaa uun la awday Indhahayaga. Mayee, waxaanu nahay qolo la sixray
Verse 16 — Surah Al-Hijr 15:16
Oo xaqiiq Waxaan yeelnay rugo adag samada, oo Waxaan u qurxinnay daawadayaasha
Verse 17 — Surah Al-Hijr 15:17
Oo Waxaan ka ilaalinnay Shaydaan kastoo laga fogeeyey (Naxariista Ilaahay)
Verse 18 — Surah Al-Hijr 15:18
Mid maahee xada mar wax u maqlo, markaas la raaciyo isaga holac muuqda
Verse 19 — Surah Al-Hijr 15:19
Oo dhulka - waanu fidinnay, oo waxaanu ku sugnay dhexdeeda buuro, oo sababnay inay ka soo baxaan gudaheeda wax kasta oo ku habboon
Verse 20 — Surah Al-Hijr 15:20
Oo Waxaan idiinka yeellay dhexdiisa asbaabta noolaanshaha idinka iyo midka kastoo aydaan idinku irsaaqin
Verse 21 — Surah Al-Hijr 15:21
Oo ma jiro wax aannu Annagu hayn khasnadahiisa. Oo kuma aan soo dejinno waxaan aheyn qaddar la yaqaan
Verse 22 — Surah Al-Hijr 15:22
Oo Waxaan soo dirnaa dabaylaha tallaala (daruurta) markaas baan ka soo dejinnaa biyo daruurta, oo aan idinka waraabinno,oo ma ahidin idinku kuwa kaydiya
Verse 23 — Surah Al-Hijr 15:23
Oo hubaal waa Annaga (Allaah) Kuwa bixiya nolol, oo sababa inaad dhimataan8, oo Waa Annaga dhaxlayaasha
Verse 24 — Surah Al-Hijr 15:24
Oo xaqiiq Waxaan ognahay kuwiinnii hore ee tegay, oo xaqiiq Waxaan ognahay kuwa dib ka iman doona
Verse 25 — Surah Al-Hijr 15:25
Oo hubaal Rabbigaa waa soo wada kulmin doonaa iyagoo dhan. hubaal Waa Falsame Xakiim ah, wax kasta Ogsoon
Verse 26 — Surah Al-Hijr 15:26
Oo xaqiiq Waxaan ka abuurnay aadmiga dhoobo shanqarta, oo madow jilicsan oo qaab leh ah
Verse 27 — Surah Al-Hijr 15:27
Oo Jinka, Waxaan ka abuurnay awal hore dab aad u kulul oo ololaya
Verse 28 — Surah Al-Hijr 15:28
Oo waa tii uu Rabbigaa ku yidhi malaa’igta: Hubaal Waxaan ka abuurayaa qof (Aadam) dhoobo shanqarta oo madow jilicsan oo qaab leh ah
Verse 29 — Surah Al-Hijr 15:29
Ee, marka aan sameeyo isagoo dhan oo aan ku afuufo ruuxayga10, ula dhaca sujuud
Verse 30 — Surah Al-Hijr 15:30
Markaas bay malaa’igtii sujuudeen kulligoodba iyagoo dhan
Verse 31 — Surah Al-Hijr 15:31
Ibliis11 maahee (ma yeelin): waa u diiday inuu ka mid ahaado kuwa sujuuday
Verse 32 — Surah Al-Hijr 15:32
Wuxuu yidhi:Ibliisoow!Maxaa kuugu wa- can inaadan ahaan la jirka kuwaa sujuuday
Verse 33 — Surah Al-Hijr 15:33
wuxuu yidhi: Anigu ma ahi mid u sujuudaya qof aad ka abuurtay dhoobo shanqarta oo madow ah jicilisan qaab leh
Verse 34 — Surah Al-Hijr 15:34
Wuxuu yidhi: Haddaba ka bax xaggeeda, hubaal adigu waa lagu fogeeyeye
Verse 35 — Surah Al-Hijr 15:35
Oo hubaal waxaa dushaada ah Nacalad ilaa Maalinta Abaal marinta
Verse 36 — Surah Al-Hijr 15:36
Wuxuu yidhi: Rabbiyow! Haddaba ii sug ilaa Maalinta la soo bixin doono
Verse 37 — Surah Al-Hijr 15:37
(Alle) wuxuu yidhi:Haddaba hubaal Wa- xaad ka mid tahay kuwa la siiyo fursadda
Verse 38 — Surah Al-Hijr 15:38
Ilaa Maalinta waqtiga la yaqaan leh
Verse 39 — Surah Al-Hijr 15:39
Wuxuu yidhi: Rabbiyow! Sida aad ii habaabisay darteed, Waxaan hubaal iyagana u qurxin doonaa jidka habowga dhulka korkiisa, oo xaqiiq waxaan habaabin doonaa iyagoo dhan
Verse 40 — Surah Al-Hijr 15:40
Marka laga reebo addoomahaaga ku ji- ra ee daacadda ah kuu keli yeela cibaadada
Verse 41 — Surah Al-Hijr 15:41
Wuxuu yidhi: Kani waa Jid Toosan oo Xaggeyga ah
Verse 42 — Surah Al-Hijr 15:42
Hubaal, ma xagga addoomahayga, ku- ma lihid awood dushooda, marka laga ree- bo kuwa ku raaca ee habowsanayaasha ah
Verse 43 — Surah Al-Hijr 15:43
Oo hubaal, Naarta waa halka loo ballan qaaday iyagoo dhan
Verse 44 — Surah Al-Hijr 15:44
Waxay leedahay toddoba Albaabood, albaab walbaa halkaa waxaa ahaan doonaa qayb gaar ah oo ka mid ah
Verse 45 — Surah Al-Hijr 15:45
Hubaal kuwa iska jira (xumaha) waxay dhex ahaan doonaan Beero iyo ilo
Verse 46 — Surah Al-Hijr 15:46
Ku gala nabad idinkoo aamin ah
Verse 47 — Surah Al-Hijr 15:47
Oo Waxaan ka soo siibi doonnaa wixii xasad ah oo ku jira laabahooda, (waxay ahaan) walaalo ku sugan sariiro boqoreed dushood is qaabilsan fool ka fool
Verse 48 — Surah Al-Hijr 15:48
Kuma taaban doono gudaheeda daal, lagamana soo saari doono
Verse 49 — Surah Al-Hijr 15:49
Ogeysii addoomahayga inaan Anigu ahay Dambi Dhaaf Badanaha, Naxariista Badan
Verse 50 — Surah Al-Hijr 15:50
Iyo in Cadaabkaygu, kaasi weeye cadaabka xanuunka badan
Verse 51 — Surah Al-Hijr 15:51
Oo u sheeg arrinka martidii Ibraahiim
Verse 52 — Surah Al-Hijr 15:52
Markay u soo galeen, waxay yidhaadeen: Nabad ahaada. Wuxuu yidhi: hubaal innagu cabsi ayaa idinka qabnaa
Verse 53 — Surah Al-Hijr 15:53
Waxay yidhaahdeen: Ha cabsan. Hubaal waxaan kuugu bishaareyneynaa wiil aqoon leh (dhalashada Isxaaq)
Verse 54 — Surah Al-Hijr 15:54
Wuxuu yidhi: Ma waxaad iigu bishaareyneysaan (wiil) anigoo ay i soo taabatay da' weyni? Haddaba maxaad iigu bishaarayneysaan
Verse 55 — Surah Al-Hijr 15:55
Waxay yidhaahdeen: Waxaan kuugu bishaaraynaynaa wax run ah. Ee ha ka mid noqon kuwa quusta
Verse 56 — Surah Al-Hijr 15:56
Wuxuu yidhi: Oo yaa ka quusta Naxariista Rabbigii aan ahayn kuwa lunsan
Verse 57 — Surah Al-Hijr 15:57
Wuxuu yidhi: Waa maxay howsha aad u socotaan haddaba, kuwaan la soo dirayow
Verse 58 — Surah Al-Hijr 15:58
Waxay yidhaahdeen: Hubaal waxaa naloo soo diray qolo dambiilayaal ah
Verse 59 — Surah Al-Hijr 15:59
Reer Luud ma’ahee. Hubaal waanu badbaadin doonnaa xaqiiq iyagoo dhan
Verse 60 — Surah Al-Hijr 15:60
Marwadiisa ma’ahee, waxaan qaddarnay inay hubaal ka mid ahaato kuwa ku haraya gadaal (ee la cadaabi)
Verse 61 — Surah Al-Hijr 15:61
Markay Rusushii la soo diray u yimaadeen reer Luud
Verse 62 — Surah Al-Hijr 15:62
Wuxuu yidhi: Hubaal waxaad idinku tihiin qolo aan la garanayn
Verse 63 — Surah Al-Hijr 15:63
Waxay yidhaahdeen: Mayee, waxaanu kuula nimid waxa ay ka doodayeen
Verse 64 — Surah Al-Hijr 15:64
Oo waxaan kuula nimid Xaq oo hubaal waxaanu nahay xaqiiq run sheegayaal
Verse 65 — Surah Al-Hijr 15:65
Ee la guuree ehelkaaga qayb ka mid ah habeenka, oo adigu daba soco oo ka dambee, oo yaanu midkiinna dib soo jalleecin oo aada halka la idin ku amray
Verse 66 — Surah Al-Hijr 15:66
Oo Waxaanu u waxyoonnay arrinkan ah in cidhibta kuwaas la goyn subaxa horeba
Verse 67 — Surah Al-Hijr 15:67
Oo dadkii magaaladu waxay yimaadeen iyagoo aad u faraxsan
Verse 68 — Surah Al-Hijr 15:68
Wuxuu yidhi: Hubaal kuwakanu waa martidaydii ee ha igu fadayxeynina
Verse 69 — Surah Al-Hijr 15:69
Oo Alle ka cabsada oo ha i ceebeynina
Verse 70 — Surah Al-Hijr 15:70
Waxay yidhaahdeen: Oo miyaanaan kaa reebin inaad (nagala hadasho) dadka kale
Verse 71 — Surah Al-Hijr 15:71
Wuxuu yidhi: Kuwaanu waa gabdhahaygii16, haddii aad yeeleysaan (inaad guursataan)
Verse 72 — Surah Al-Hijr 15:72
Waa igu Cimrigaaga'e, waxay indho la’- aan ku heehabayeen sakhraansanidoodii
Verse 73 — Surah Al-Hijr 15:73
Markaas baa qeylo weyn (qarax) qabtay qorrax soo bixiiba
Verse 74 — Surah Al-Hijr 15:74
Oo Waxaan u gambinnay korkoodii hoos oo roob kaga dhignay dushooda dhagaxyo dab naar ah
Verse 75 — Surah Al-Hijr 15:75
Hubaal, arrinkani waxaa xaqiiq ugu sugan calaamooyin kuwa wax ka fiirsada
Verse 76 — Surah Al-Hijr 15:76
Oo hubaal Waxay ku taal (magaaladaasi)18 waddo weli la deggan yahay
Verse 77 — Surah Al-Hijr 15:77
Hubaal arrinkani waxaa xaqiiq ugu sugan calaamooyin mu’miniinta
Verse 78 — Surah Al-Hijr 15:78
Oo dadkii degganaa hawdka19 waxay sidoo kale xaqiiq ahaayeen gar ma qaatayaal
Verse 79 — Surah Al-Hijr 15:79
Markaas baan ka aargudannay. Oo waxay labaduba20 xaqiiq ku yaallaan waddo cad (oo weli) la maro
Verse 80 — Surah Al-Hijr 15:80
Oo dadkii degganaa dhadhaabka waxay dhab ahaan beeniyeen Rususha
Verse 81 — Surah Al-Hijr 15:81
Oo waxaanu siinnay Aayadahayagii, wayse ka jeesadeen xaggooda
Verse 82 — Surah Al-Hijr 15:82
Oo waxay ka qorteen buuraha guryo iyago aamin ah
Verse 83 — Surah Al-Hijr 15:83
Markaas baa waxaa qabaty qeylo (qarax) weyn waaberkiiba
Verse 84 — Surah Al-Hijr 15:84
Oo waxba uma tarin waxay kasbadeen
Verse 85 — Surah Al-Hijr 15:85
Oo uma aanu abuurin samooyinka iyo arlada iyo waxa u dhexeeya waxaan aheyn Xaq, Oo hubaal Saacaddu xaqiiq waa imanaysaa, ee isaga jeeso adigoo saamaxaya gefefkooda saamixid qurxoon
Verse 86 — Surah Al-Hijr 15:86
Hubaal Rabbigaa waa Abuuraha wax kasta ee jira, wax waliba ogsoon
Verse 87 — Surah Al-Hijr 15:87
Oo dhab ahaan Waxaanu ku siinnay toddobo (Aayadood ee) lagu soo celceliyo (Faatixada) iyo Qur’aanka Weyn
Verse 88 — Surah Al-Hijr 15:88
Ha u taagin indhahaaga waxa aanu siinnay qaybo ka mid ah iyaga inay ku raaxeystaan oo ha u murugoon, oo ahow mid u nugul oo soo dhoweeya mu’miniinta
Verse 89 — Surah Al-Hijr 15:89
Oo dheh: Hubaaal anigu waxaan uun idiin ahay digaha cad
Verse 90 — Surah Al-Hijr 15:90
Sida aan ugu soo dejinnayba kala qaybiyaashii (Yuhuudda iyo Nasaarada)
Verse 91 — Surah Al-Hijr 15:91
Kuwaas ka dhigay Qur’aanka qaybo
Verse 92 — Surah Al-Hijr 15:92
Haddaba waa igu Rabbigaa hubaal waanu weydiin doonnaa dhammaantood
Verse 93 — Surah Al-Hijr 15:93
Xagga waxa ay faleen
Verse 94 — Surah Al-Hijr 15:94
Ee daaha ka qaad wax lagugu amray22, oo iskaga jeeso Mushrikiinta
Verse 95 — Surah Al-Hijr 15:95
Hubaal Annaga baa kaaga filnaan doonna jees-jeesayaasha
Verse 96 — Surah Al-Hijr 15:96
Kuwa u yeela ilaah kale la jirka Allaah, durbase way ogaan doonaan
Verse 97 — Surah Al-Hijr 15:97
Oo dhab ahaan Waxaan ognahay inay ka ciriiryoonto laabtaadu waxa ay yidhaahdaan
Verse 98 — Surah Al-Hijr 15:98
Ee ku tasbiixso ammaanaha Rabbigaa oo ka mid ahow kuwa u sujuuda
Verse 99 — Surah Al-Hijr 15:99
Oo caabud Rabbigaa ilaa uu kuu yimaado kaasi la hubo (mowdka)