Back to Languages

Tamil - Chapter 88 - Al-Ghashiyah

Translation by Abdulhameed Baqavi — Permalink

Verse 1 — Surah Al-Ghashiyah 88:1

(நபியே! அனைவரையும்) சூழ்ந்து கொள்ளக்கூடிய (மறுமையைப் பற்றிய) செய்தி உமக்குக் கிடைத்ததா

Verse 2 — Surah Al-Ghashiyah 88:2

அந்நாளில், சில முகங்கள் இழிவடைந்து இருக்கும்

Verse 3 — Surah Al-Ghashiyah 88:3

அவை (தவறான வழியில்) அமல் செய்து (அதிலேயே) நிலைத்திருந்தவை

Verse 4 — Surah Al-Ghashiyah 88:4

கொழுந்துவிட்டு எரியும் நெருப்பிற்கே அவை செல்லும்

Verse 5 — Surah Al-Ghashiyah 88:5

(அவை) கொதிக்கின்ற ஓர் ஊற்றிலிருந்து நீர் புகட்டப்படும்

Verse 6 — Surah Al-Ghashiyah 88:6

அதில் அவர்களுக்கு(க் கருவேல) முட்களைத் தவிர, வேறொன்றும் உணவாகக் கிடைக்காது

Verse 7 — Surah Al-Ghashiyah 88:7

(அது அவர்களுடைய உடலைக்) கொழுக்கவும் வைக்காது; (அவர்களுடைய) பசியையும் தீர்த்து வைக்காது

Verse 8 — Surah Al-Ghashiyah 88:8

எனினும், அந்நாளில் வேறு சில முகங்களோ, மிக்க செழிப்பாக இருக்கும்

Verse 9 — Surah Al-Ghashiyah 88:9

(இம்மையில்) தாங்கள் செய்த (நல்ல) காரியங்களைப் பற்றித் திருப்தியடையும்

Verse 10 — Surah Al-Ghashiyah 88:10

(அவை) மேலான சொர்க்கத்தில் இருக்கும்

Verse 11 — Surah Al-Ghashiyah 88:11

அதில் வீண் வார்த்தையை அவை செவியுறாது

Verse 12 — Surah Al-Ghashiyah 88:12

அதில் (இவர்கள் அருந்துவதற்கு) தொடர்ந்து ஓடிக் கொண்டிருக்கின்ற (தெளிவான) ஒரு சுனையுண்டு

Verse 13 — Surah Al-Ghashiyah 88:13

அதில் (இவர்கள் அமருவதற்கு) உயர்ந்த இருக்கைகளுண்டு

Verse 14 — Surah Al-Ghashiyah 88:14

(பல வகை இன்பமான பானங்கள் நிறைந்த) கெண்டிகள் (இவர்கள் முன்) வைக்கப்பட்டிருக்கும்

Verse 15 — Surah Al-Ghashiyah 88:15

(இவர்கள் சாய்ந்து கொள்வதற்காகத்) திண்டு தலையணைகள் வரிசையாக வைக்கப்பட்டிருக்கும்

Verse 16 — Surah Al-Ghashiyah 88:16

உயர்ந்த விரிப்புகள் இவர்களின் கீழ் விரிக்கப்பட்டிருக்கும். (இத்தகைய சுகபோகத்தில் நல்லடியார்கள் இருப்பார்கள்)

Verse 17 — Surah Al-Ghashiyah 88:17

(நபியே! இந்நிராகரிப்பவர்கள் தங்களிடமுள்ள) ஒட்டகத்தையேனும் அவர்கள் கவனிக்க வேண்டாமா? அது எவ்வாறு படைக்கப்பட்டுள்ளது

Verse 18 — Surah Al-Ghashiyah 88:18

(அவர்களுக்கு மேல் உள்ள) வானத்தையும் (அவர்கள் கவனிக்க வேண்டாமா?) அது எவ்வாறு உயர்த்தப்பட்டுள்ளது

Verse 19 — Surah Al-Ghashiyah 88:19

(அவர்கள் கண்முன் தோன்றும்) மலைகளையும் அவர்கள் (கவனிக்க வேண்டாமா?) அவை எவ்வாறு நிறுத்தப்பட்டுள்ளன

Verse 20 — Surah Al-Ghashiyah 88:20

(அவர்கள் வசிக்கும்) பூமியையும் (அவர்கள் கவனிக்க வேண்டாமா?) அது எவ்வாறு விரிக்கப்பட்டுள்ளது

Verse 21 — Surah Al-Ghashiyah 88:21

(ஆகவே, நபியே!) இவற்றை அவர்களுக்கு எடுத்துக் காண்பித்து, இவற்றைப் படைத்தவனின் அருள்களை, அவர்களுக்கு நீர் கூறி) நல்லுபதேசம் செய்வீராக! (இவற்றைக்கொண்டு அவர்கள் நல்லுணர்ச்சி பெறாவிடில் அதற்காக நீர் கவலைப்படாதீர். ஏனென்றால்,) நீர் அவர்களுக்கு நல்லுபதேசம் செய்பவர்தான்

Verse 22 — Surah Al-Ghashiyah 88:22

(அவ்வாறே நடக்கும்படி) அவர்களை நீர் நிர்ப்பந்திக்கக்கூடியவர் அல்ல

Verse 23 — Surah Al-Ghashiyah 88:23

எனினும், எவர்கள் புறக்கணித்து நிராகரிக்கிறார்களோ

Verse 24 — Surah Al-Ghashiyah 88:24

அவர்களை அல்லாஹ் பெரும் வேதனை செய்வான்

Verse 25 — Surah Al-Ghashiyah 88:25

நிச்சயமாக அவர்கள் அனைவரும் நம்மிடம்தான் வர வேண்டும்

Verse 26 — Surah Al-Ghashiyah 88:26

நிச்சயமாக அவர்களைக் கேள்வி கணக்குக் கேட்பதும் நம் மீதுதான் கடமையாகும்