Back to LanguagesPrevious ChapterNext Chapter EnglishArabicUrduHindiTamilBengali
Sinhala - Chapter 37 - As-Saffat
Translation by Www.islamhouse.com — Permalink
Verse 1 — Surah As-Saffat 37:1
පෙළින් පෙළට පෙළ ගැසී සිටින්නන්(මලක්වරු)මත දිවුරමින්
Verse 2 — Surah As-Saffat 37:2
තවද පසුපසින් මෙහෙයවා යන්නන් (මලක්වරු) මත දිවුරමින්
Verse 3 — Surah As-Saffat 37:3
තවද (අල්ලාහ්ගේ) දේව වදන් පාරායනය කරන්නන් මත දිවුරමින්
Verse 4 — Surah As-Saffat 37:4
නියත වශයෙන්ම නුඹලාගේ දෙවියා එකමය
Verse 5 — Surah As-Saffat 37:5
අහස් හා මහොපොළොවෙහි ද ඒ දෙක අතර ඇති දෑහි ද හිමිපාණන්ය. තවද නැගෙනහිරවල්හි ද හිමිපාණන්ය
Verse 6 — Surah As-Saffat 37:6
නියත වශයෙන්ම සමීපව පිහිටි අහස අපි ග්රහ වස්තු මගින් අලංකාරවත් කළෙමු
Verse 7 — Surah As-Saffat 37:7
තවද සීමාව ඉක්මවා ගිය සෑම ෂෙයිතානුවකුගෙන්ම ආරක්ෂාවක් වශයෙනි
Verse 8 — Surah As-Saffat 37:8
උසස් වූ පිරිස (මලක්වරු) වෙත ඔවුන් සවන් දිය නොහැකිය. තවද ඔවුහු සෑම පැත්තකින්ම පහර දෙනු ලබති
Verse 9 — Surah As-Saffat 37:9
(එය) පලවා හැරීමක් වශයෙනි. තවද ඔවුනට නිරන්තර දඬුවමක් ඇත
Verse 10 — Surah As-Saffat 37:10
(රහස් කතා) පැහැර ගෙන සවන් දෙන්නා හැර. එවිට සිදුරු කරන උල්කාවන් ඔහු ලුහුබඳියි
Verse 11 — Surah As-Saffat 37:11
“මැවීමෙන් වඩාත් බලවත් වන්නේ ඔවුන් ද එසේ නැතහොත් අපි මවා ඇති දෑ දැ” යි ඔවුන්ගෙන් ඔබ විමසනු. නියත වශයෙන් අපි ඔවුන් ඇලෙන සුළු මැටියෙන් මැව්වෙමු
Verse 12 — Surah As-Saffat 37:12
නමුත් ඔබ පුදුම වූයෙහිය. ඔවුහු (ඒ ගැන) සමච්චල් කරති
Verse 13 — Surah As-Saffat 37:13
තවද ඔවුනට උපදෙස් කරනු ලබන විට ඔවුහු උපදෙස් නොලබති
Verse 14 — Surah As-Saffat 37:14
තවද ඔවුහු යම් සංඥාවක් දුටු විට සමච්චල් කරති
Verse 15 — Surah As-Saffat 37:15
තවද ඔවුහු මෙසේ පවසා සිටියහ. “මෙය පැහැදිලි හූනියමක් මිස නැත”
Verse 16 — Surah As-Saffat 37:16
“අප මිය ගොස් පස් හා අස්ථි බවට පත් වූ විට නියත වශයෙන්ම අපි නැවත නැගිටුවනු ලබන්නෝ වෙමු ද?”
Verse 17 — Surah As-Saffat 37:17
“අපගේ මුල් මුතුන්මිත්තන් ද (නැවත නැගිටුවනු ලබන්නෝ ද)”
Verse 18 — Surah As-Saffat 37:18
“එසේය. තවද නුඹලා (අල්ලාහ් ඉදිරියේ) පහත් වූවන් යැ”යි ඔබ පවසනු
Verse 19 — Surah As-Saffat 37:19
නියත වශයෙන්ම එය එක් හඬකි. එවිට ඔවුහු එය දකිති
Verse 20 — Surah As-Saffat 37:20
තවද “අහෝ! අපගේ විනාශය. මෙය විනිශ්චය දිනය වේ” යැයි ඔවුහු පවසති
Verse 21 — Surah As-Saffat 37:21
“නුඹලා කවර දෙයක් බොරුකරමින් සිටියේ ද එම විනිශ්චය දිනය මෙය වේ” (යැයි කියනු ලැබේ)
Verse 22 — Surah As-Saffat 37:22
අපරාධ කළවුන් හා ඔවුන්ගේ ජොඩු ද (අල්ලාහ්ගෙන් තොර ව) ඔවුන් ගැතිකම් කරමින් සිටි දෑ ද නුඹලා එක්රැස් කරනු
Verse 23 — Surah As-Saffat 37:23
(අල්ලාහ්ගෙන් තොර ව) තවද නිරයේ මාවත වෙත නුඹලා ඔවුනට මග පෙන්වනු
Verse 24 — Surah As-Saffat 37:24
තවද නුඹලා ඔවුන් නවතා තබනු. නියත වශයෙන්ම ඔවුන් විනිශ්චය කරනු ලබන්නෝය
Verse 25 — Surah As-Saffat 37:25
නුඹලාට කුමක්වීද? නුඹලා එකිනෙකා උදව් කර නොගන්නෙහුය
Verse 26 — Surah As-Saffat 37:26
එසේ නොව ඔවුහු අද දින යටත් වූවෝය
Verse 27 — Surah As-Saffat 37:27
ඔවුන්ගෙන් ඇතැමෙකු ඇතැමෙකු වෙත මුහුණ ලා ඔවුහු එකිනෙකා විමසා ගනිති
Verse 28 — Surah As-Saffat 37:28
නියත වශයෙන්ම නුඹලා දකුණු දෙසින් අප වෙත පැමිණෙමින් සිටියෙහුය යැයි (සිය නායකයින් අනුගමනය කරන) ඔවුහු පවසා සිටියහ
Verse 29 — Surah As-Saffat 37:29
“එසේ නොව නුඹලා දෙවියන් විශ්වාස කරන්නන් නොවූයෙහු” යැයි ඔවුහු (නායකයින්) පවසා සිටියහ
Verse 30 — Surah As-Saffat 37:30
නුඹලා මත කිසිදු බලයක් (යෙදවීමට) අපට නොවීය. නමුත් නුඹලා සීමාව ඉක්මවා ගිය පිරිසක් වූහ
Verse 31 — Surah As-Saffat 37:31
එහෙයින් අපට එරෙහි ව අපගේ පරමාධිපතිගේ ප්රකාශය නියම වී ඇත. නියත වශයෙන්ම අපි (එය) රස විඳින්නෝ වෙමු
Verse 32 — Surah As-Saffat 37:32
එහෙයින් අපි නුඹලා නොමග හැරියෙමු. නියත වශයෙන්ම අප ද නොමග ගියවුන් වූයෙමු
Verse 33 — Surah As-Saffat 37:33
එහෙයින් නියත වශයෙන්ම ඔවුහු එදින දඬුවමෙහි හවුල්කරුවෝ වෙති
Verse 34 — Surah As-Saffat 37:34
නියත වශයෙන්ම අපි වැරදිකරුවන් සමග කටයුතු කරන්නේ එලෙසය
Verse 35 — Surah As-Saffat 37:35
“අල්ලාහ් හැර වෙනත් දෙවිඳෙකු නැතැයි” ඔවුනට පැවසූ විට, නියත වශයෙන්ම ඔවුහු උඩඟුකම් පාමින් සිටියහ
Verse 36 — Surah As-Saffat 37:36
තවද “උමතු වූ කවියෙකු වෙනුවෙන් අපි අපගේ දෙවිවරුන් අතහැර දමන්නෝ වෙමුදැ”යි ඔවුහු පවසා සිටිති
Verse 37 — Surah As-Saffat 37:37
නමුත් ඔහු (මුහම්මද්) සත්යය සමග පැමිණියේය. තවද ඔහු (පෙර සිටි) දහම් දූතයින් සත්යය කළේය
Verse 38 — Surah As-Saffat 37:38
නියත වශයෙන්ම (අෂිශ්ට ජනයා වන) නුඹලා එම වේදනීය දඬුවම රස විඳින්නෝමය
Verse 39 — Surah As-Saffat 37:39
නුඹලා සිදු කරමින් සිටි දෑට මිස නුඹලාට ප්රතිඵල දෙනු නොලබනු ඇත
Verse 40 — Surah As-Saffat 37:40
නමුත් අල්ලාහ්ගේ අවංක වූ ගැත්තන් හැර
Verse 41 — Surah As-Saffat 37:41
තමන්ට නියම කරන ලද පෝෂණය ඇත්තෝ ඔවුහුමය
Verse 42 — Surah As-Saffat 37:42
පලතුරු ද ඇත. තවද ඔවුහු ගරු කරනු ලබන්නෝය
Verse 43 — Surah As-Saffat 37:43
(ඔවුන්) සැප පහසුකම් සහිත උයන්හි (සිටිති)
Verse 44 — Surah As-Saffat 37:44
යහන් මත එකිනෙකාට මුහුණ ලා සිටිති
Verse 45 — Surah As-Saffat 37:45
(සුරා)උල්පතින් වූ කුසලාන (ජලබඳුන්) ඔවුන් වටා යවනු ලැබේ
Verse 46 — Surah As-Saffat 37:46
එය සුදු පැහැතිය. පානය කරන්නන් හට ප්රණීතය
Verse 47 — Surah As-Saffat 37:47
එහි (සිහිවිකල් වන ආකාරයේ) උවදුරක් නොමැත. තවද ඔවුහු එයින් (මෙලොව මත්පැන් පානය මෙන් නොව) මත් බවට පත් කරනු ලබන්නෝ නොවෙති
Verse 48 — Surah As-Saffat 37:48
තවද දමිත බැල්මෙන් යුත් ලලනාවෝ ඔවුන් අබියස වෙති
Verse 49 — Surah As-Saffat 37:49
නියත වශයෙන්ම ඔවුන් (ලලනාවෝ) සඟවා තබනු ලැබූ බිත්තර මෙනි
Verse 50 — Surah As-Saffat 37:50
ඔවුන් (සුවර්ග වැසියන්) එකිනෙකා (මෙලොව කටයුතු කළ ආකාරය) විමසා ගනිමින් ඔවුන්ගෙන් ඇතැමෙක් ඇතැමෙකු ඉදිරියට එනු ඇත
Verse 51 — Surah As-Saffat 37:51
නියත වශයෙන්ම මට සමීප මිතුරෙකු සිටියේ යැයි ඔවුන් අතුරින් ප්රකාශකයකු පවසනු ඇත
Verse 52 — Surah As-Saffat 37:52
නියත වශයෙන්ම ඔබ සත්ය කරන්නන් අතුරින් දැ?යි ඔහු විමසයි
Verse 53 — Surah As-Saffat 37:53
අප මිය ගොස් පස් හා අස්ථි බවට පත් වූ විට නියත වශයෙන්ම අප විමසනු ලබන්නේ දැ?(යි ද ඔහු විමසයි)
Verse 54 — Surah As-Saffat 37:54
නුඹලා එබී බැලිය යුත්තෝ දැයි ඔහු විමසයි
Verse 55 — Surah As-Saffat 37:55
එවිට ඔහු එබී බලයි. එවිට ඔහු නිරය මැද සිටිනු ඔහු දකිනු ඇත
Verse 56 — Surah As-Saffat 37:56
අල්ලාහ් මත දිවුරා (පවසමි). ඔබ මා විනාශ කරන්නට තැත් කළෙහිය යැයි ඔහු පැවැසුවේය
Verse 57 — Surah As-Saffat 37:57
මාගේ පරමාධිපතිගේ ආශිර්වාදය නොවී නම් මා ද (නිරයට) සම්මුඛ කරනු ලබන්නන් අතුරින් වෙමි
Verse 58 — Surah As-Saffat 37:58
එසේ නම් අප මිය යන්නන් ලෙස නොවන්නෙමු ද
Verse 59 — Surah As-Saffat 37:59
අපගේ මුල් මරණය මිස. තවද අපි දඬුවම් කරනු ලබන්නන් නොවෙමු
Verse 60 — Surah As-Saffat 37:60
නියත වශයෙන්ම මෙයමය අතිමහත් ජයග්රහණය
Verse 61 — Surah As-Saffat 37:61
මෙවන් දැයට ක්රියා කරන්නෝ ක්රියා කරත්වා
Verse 62 — Surah As-Saffat 37:62
සංග්රහයෙන් ශ්රේෂ්ඨ වනුයේ එය ද එසේ නැතහොත් zසක්කූම් (නම් කටු) ගසද
Verse 63 — Surah As-Saffat 37:63
නියත වශයෙන්ම අපි එය අපරාධකරුවන්ට පරීක්ෂණයක් බවට පත් කළෙමු
Verse 64 — Surah As-Saffat 37:64
නියත වශයෙන්ම එය නිරය පතුලෙහි මතු වෙන ගසකි
Verse 65 — Surah As-Saffat 37:65
එහි පොහොට්ටු ෂෙයිතානුන්ගේ හිස් මෙනි
Verse 66 — Surah As-Saffat 37:66
එවිට ඔවුහු එයින් (zසක්කූම් නම් කටු ගසින්) අනුභව කරන්නෝ වෙති. එවිට ඔවුහු එයින් කුසවල් පුරවාගන්නෝ වෙති
Verse 67 — Surah As-Saffat 37:67
පසු ව නියත වශයෙන්ම ඔවුනට එහි (zසක්කූම් නම් කටු ගසින් අනුභව කළ පසු) ලෝ දියෙන් යුත් පානයක් ඇත
Verse 68 — Surah As-Saffat 37:68
පසු ව නියත වශයෙන්ම ඔවුන් යොමු කරනු ලබන ස්ථානය ඇත්තේ නිරය වෙතය
Verse 69 — Surah As-Saffat 37:69
නියත වශයෙන්ම ඔවුහු ඔවුන්ගේ මුතුන් මිත්තන් නොමග ගියවුන් බව දුටුවෝය
Verse 70 — Surah As-Saffat 37:70
එහෙත් ඔවුහු ඔවුන්ගේ සලකුණු මත යන්නට යුහුසුළු වෙති
Verse 71 — Surah As-Saffat 37:71
ඔවුනට පෙර සිටි මුතුන් මිත්තන් බහුතරයක් දෙනා සැබැවින්ම නොමග ගියෝය
Verse 72 — Surah As-Saffat 37:72
තවද සැබැවින්ම අපි ඔවුන් අතරට අවවාද කරන්නන් එව්වෙමු
Verse 73 — Surah As-Saffat 37:73
අවවාද කරනු ලැබූ (නමුත් ඒවා ඉවත දැමු)වන්ගේ අවසානය කෙසේ වූයේ දැයි මැනවින් බලනු
Verse 74 — Surah As-Saffat 37:74
අල්ලාහ්ගේ අවංක ගැත්තන්ට හැර (ඔවුන්ගේ අවසානය යහපත් විය)
Verse 75 — Surah As-Saffat 37:75
තවද සැබැවින්ම නූහ් අප ඇමතුවේය. එවිට (අපි) යහපත් ප්රතිචාර දක්වන්නන්ගෙන් ඉතා ශ්රේෂ්ඨයින් වූයෙමු
Verse 76 — Surah As-Saffat 37:76
අපි ඔහු හා ඔහුගේ නිවැසියන් මහා විපතින් මුදවා ගත්තෙමු
Verse 77 — Surah As-Saffat 37:77
තවද අපි ඔහුගේ පරපුර ඉතිරිවූවන් බවට පත් කළෙමු
Verse 78 — Surah As-Saffat 37:78
තවද පසු පැමිණි පරපුර අතර ඔහුගේ (පැසසුම) පැතිරෙන්නට සැලැස්සුවෙමු
Verse 79 — Surah As-Saffat 37:79
ලෝවැසියන් අතර නූහ් ට ශාන්තිය අත්වේවා
Verse 80 — Surah As-Saffat 37:80
නියත වශයෙන්ම අපි දැහැමියන්ට ප්රතිඵල පිරිනමනුයේ එලෙසය
Verse 81 — Surah As-Saffat 37:81
නියත වශයෙන්ම (නූහ් වන) ඔහු දෙවියන් විශ්වාස කරන අපගේ ගැත්තන් අතුරින් විය
Verse 82 — Surah As-Saffat 37:82
පසු ව අපි සෙස්සන් (දියේ) ගිල්වූයෙමු
Verse 83 — Surah As-Saffat 37:83
තවද නියත වශයෙන්ම ඔහුගේ පිළිවෙතින් වූ කෙනෙකි ඉබ්රාහීම්
Verse 84 — Surah As-Saffat 37:84
සන්සුන් හදවතකින් ඔහු ඔහුගේ පරමාධිපති වෙත පැමිණි අවස්ථාව සිහිපත් කරනු
Verse 85 — Surah As-Saffat 37:85
‘නුඹලා කුමක් නමදින්නෙහුදැ?’යි ඔහු තම පියාට හා තම ජනයාට පැවසූ අවස්ථාව සිහිපත් කරනු
Verse 86 — Surah As-Saffat 37:86
“අල්ලාහ් හැර ව්යාජ දෙවිවරුන් නුඹලා අපේක්ෂා කරන්නෙහු ද?”
Verse 87 — Surah As-Saffat 37:87
“එසේ නම් ලෝවැසියන්ගේ පරමාධිපති පිළිබඳ නුඹලාගේ අදහස කුමක් ද?”
Verse 88 — Surah As-Saffat 37:88
එවිට ඔහු (ඉබ්රාහීම්) තාරකා අතර මනා බැල්මකින් අධීක්ෂණයෙන් බැලුවේය
Verse 89 — Surah As-Saffat 37:89
එවිට (ඔවුන්ගේ උත්සවයට සහභාගි වීම වළක්වනු පිණිස) ‘නියත වශයෙන්ම මම රෝගියෙකි’ යැයි ඔහු පැවසුවේය
Verse 90 — Surah As-Saffat 37:90
එවිට ඔවුහු (ඉබ්රාහීම්ගේ සමූහය) පිටුපාන්නන් ලෙසින් ඔහු වෙතින් හැරී ගියෝය
Verse 91 — Surah As-Saffat 37:91
පසු ව ඔහු ඔවුන්ගේ දෙවිවරුන් (පිළිම) වෙත හීන් සීරුවේ ගොස් “නුඹලා අනුභව නොකරන්නේ කුමක් නිසාද?” යැයි විමසා සිටියේය
Verse 92 — Surah As-Saffat 37:92
“නුඹලා කතා නොකර සිටීමට නුඹලාට කුමක් වීද?“
Verse 93 — Surah As-Saffat 37:93
පසු ව ඔහු (ඉබ්රාහීම්) ඔවුන් (පිළිම) වෙත හීන්සීරුවේ ගොස් තම දකුණතින් පහරක් දුන්නේය
Verse 94 — Surah As-Saffat 37:94
ඔවුහු (ඉබ්රාහීම් වෙත) වේගයෙන් ගමන් ගනිමින් ඔහු ඉදිරියට පැමිණියෝය
Verse 95 — Surah As-Saffat 37:95
“නුඹලා කැටයම් කළ දෑට නුඹලා ගැතිකම් කරන්නෙහුදැ?”යි ඔහු (ඉබ්රාහීම්) විමසුවේය
Verse 96 — Surah As-Saffat 37:96
“තවද අල්ලාහ් නුඹලා සහ නුඹලා ඉදි කරන දෑ මැව්වේය.“
Verse 97 — Surah As-Saffat 37:97
“ඔහු (ඉබ්රාහීම්) වෙනුවෙන් ගොඩනැගිල්ලක් තනා පසුව ඔහුව ගින්නෙහි හෙළනු යැ”යි ඔවුහු පැවසූහ
Verse 98 — Surah As-Saffat 37:98
එවිට ඔවුහු ඔහුට (ඉබ්රාහීම් ට) කුමන්ත්රණයක් කිරීමට අදහස් කළෝය. එහෙයින් අපි ඔවුන් පහත්වූවන් බවට පත් කළෙමු
Verse 99 — Surah As-Saffat 37:99
“නියත වශයෙන්ම මම මාගේ පරමාධිපති වෙත යන්නෙකු වෙමි. ඔහු මට මග පෙන්වනු ඇතැයි” (ගින්නෙන් මිදුනු) ඔහු පැවසුවේය
Verse 100 — Surah As-Saffat 37:100
මාගේ පරමාධිපතියාණෙනි! මා හට දැහැමියන් අතුරින් කෙනෙකු පිරිනමනු (යැයි ඉබ්රාහීම් පැවසුවේය)
Verse 101 — Surah As-Saffat 37:101
එවිට ඉවසිලිවන්ත දරුවකු පිළිබඳ ව අපි ඔහුට ශුභාරංචි දුන්නෙමු
Verse 102 — Surah As-Saffat 37:102
ඔහු (ඉබ්රාහීම්) සමග ඇවිද යන වියට ඔහු ළඟා වූ කල්හි, “අහෝ මාගේ පුතණුවනි! නියත වශයෙන්ම මම ඔබගේ ගෙල සිඳ දමන්නාක් මෙන් සිහිනයක් දුටුවෙමි. එහෙයින් (ඒ ගැන) ඔබ අදහස් කරනුයේ කුමක්දැයි බලනු.” යැයි කීහ. “අහෝ මාගේ පියාණෙනි! ඔබට අණ කරනු ලබන දෑ ඔබ සිදු කරනු. අල්ලාහ්ගේ අභිමතය පරිදි ඔබ මා ඉවසිලිවන්තයින් අතුරින් දැක ගනු ඇතැයි” ඔහු (පුතු) පැවසීය
Verse 103 — Surah As-Saffat 37:103
පසු ව ඔවුන් දෙදෙනා (අල්ලාහ්ගේ අභිමතයට) එකඟ වූ කල්හි (ඉබ්රාහීම්) ඔහු (ඉස්මායිල් වන) ඔහු ව මුණින් අතට පෙරළා දැමීය
Verse 104 — Surah As-Saffat 37:104
තවද ‘අහෝ ඉබ්රාහීම්!’ යැයි අපි ඔහු ඇමතුවෙමු
Verse 105 — Surah As-Saffat 37:105
“සැබැවින්ම ඔබ සිහිනය සැබෑ කළෙහිය.” නියත වශයෙන්ම අපි එලෙසය දැහැමියන්ට ප්රතිඵල පිරිනමනුයේ
Verse 106 — Surah As-Saffat 37:106
නියත වශයෙන්ම පැහැදිලි පරීක්ෂාව මෙයමය
Verse 107 — Surah As-Saffat 37:107
මහත් වූ (සත්ව) කැපයක් අපි ඔහුට ඇප වශයෙන් පිරිනැමුවෙමු
Verse 108 — Surah As-Saffat 37:108
තවද සෙස්සන් අතර ඔහු (පැසසුමට ලක්වන්නට) අපි අතහැර දැමුවෙමු
Verse 109 — Surah As-Saffat 37:109
“ඉබ්රාහීම් වෙත ශාන්තිය අත්වේවා!”
Verse 110 — Surah As-Saffat 37:110
අපි දැහැමියන්ට ප්රතිඵල පිරිනමනුයේ එලෙසය
Verse 111 — Surah As-Saffat 37:111
නියත වශයෙන්ම ඔහු දෙවියන් විශ්වාස කරන අපගේ ගැත්තන් අතුරින් විය
Verse 112 — Surah As-Saffat 37:112
තවද අපි දැහැමියන් අතුරින් නබිවරයකු වශයෙන් ඉස්හාක් පිළිබඳව ඔහුට (ඉබ්රාහීම්ට) ශුභාරංචි දැන්වූයෙමු
Verse 113 — Surah As-Saffat 37:113
තවද අපි ඔහු (ඉබ්රාහීම්) වෙත හා ඉස්හාක් වෙත අභිවෘද්ධිය ලබා දුනිමු. තවද ඔවුන් දෙදෙනාගේ පරපුරින් දැහැමි අය ද ප්රකට ලෙස තමන්ටම අපරාධ කර ගන්නා අය ද විය
Verse 114 — Surah As-Saffat 37:114
තවද සැබැවින්ම අපි මූසා හා හාරූන් වෙත උපකාර කළෙමු
Verse 115 — Surah As-Saffat 37:115
තවද අපි ඔවුන් දෙදෙනා හා ඔවුන් දෙදෙනාගේ පිරිස මහත් වූ ව්යසනයෙන් මුදවා ගත්තෙමු
Verse 116 — Surah As-Saffat 37:116
තවද අපි ඔවුනට (මූසා,හාරූන් හා ඔවුන්ගේ සමාජයට) උදව් කළෙමු. එහෙයින් ඔවුහු අබිබවා යන්නන් වූහ
Verse 117 — Surah As-Saffat 37:117
තවද අපි ඔවුන් දෙදෙනාට පැහැදිලි දේව ග්රන්ථය පිරිනැමුවෙමු
Verse 118 — Surah As-Saffat 37:118
තවද අපි ඍජු මාර්ගය වෙත ඔවුන් දෙදෙනාට (මූසා සහ හාරූන්) මග පෙන්වූයෙමු
Verse 119 — Surah As-Saffat 37:119
තවද සෙස්සන් අතර ඔවුන් දෙදෙනා(ගේ පැසසුම) අපි පැතිරෙන්නට සැළැස්සුවෙමු
Verse 120 — Surah As-Saffat 37:120
තවද මූසා හා හාරූන් වෙත ශාන්තිය අත්වේවා
Verse 121 — Surah As-Saffat 37:121
නියත වශයෙන්ම අපි දැහැමියන්ට ත්යාග පිරිනමනුයේ එලෙසය
Verse 122 — Surah As-Saffat 37:122
නියත වශයෙන්ම ඔවුන් දෙදෙනා දෙවියන් විශ්වාස කරන අපගේ ගැත්තන් අතුරින් වෙති
Verse 123 — Surah As-Saffat 37:123
තවද නියත වශයෙන්ම ඉල්යාස් දහම් දූතයින් අතුරිනි
Verse 124 — Surah As-Saffat 37:124
“නුඹලා බැතිමත් නොවන්නෙහු දැ”යි ඔහු තම ජනයාට පැවසූ අවස්ථාව සිහියට නගනු
Verse 125 — Surah As-Saffat 37:125
“මැවුම්කරුවන්ගෙන් වඩාත් විශිෂ්ටතයා අතහැර දමා නුඹලා (බඅල් නම්) වෙනත් දෙවියකුට ඇරයුම් කරන්නෙහු ද
Verse 126 — Surah As-Saffat 37:126
ඔහු නුඹලාගේ පරමාධිපති වූ ද නුඹලාගේ මුල් මුතුන්මිත්තන්ගේ පරමාධිපති වූ අල්ලාහ් ය
Verse 127 — Surah As-Saffat 37:127
නමුත් ඔවුහු ඔහු බොරු කළෝය. එහෙයින් ඔවුහු (විනිශ්චය වෙත) ඉදිරිපත් කරනු ලබන්නෝ වූහ
Verse 128 — Surah As-Saffat 37:128
නමුත් අල්ලාහ්ගේ අවංක ගැත්තන් හැර ( අවංක ගැත්තන්ට යහපත් ප්රතිඵල ලබා දෙනු ලැබේ)
Verse 129 — Surah As-Saffat 37:129
තවද සෙස්සන් අතර ඔහු (පැසසුමට ලක්වන්නට) අපි අතහැර දැමුවෙමු
Verse 130 — Surah As-Saffat 37:130
ඉල්යාස් වෙත ශාන්තිය අත්වේවා
Verse 131 — Surah As-Saffat 37:131
නියත වශයෙන්ම අපි දැහැමියන්ට ප්රතිඵල පිරිනමනුයේ එලෙසය
Verse 132 — Surah As-Saffat 37:132
නියත වශයෙන්ම ඔහු (ඉල්යාස්) දෙවියන් විශ්වාස කරන අපගේ ගැත්තන් අතුරින් වෙයි
Verse 133 — Surah As-Saffat 37:133
තවද නියත වශයෙන්ම ලූත් දහම් දූතයින් අතුරිනි
Verse 134 — Surah As-Saffat 37:134
ඔහු හා ඔහුගේ සෙසු සියලු නිවැසියන් මුදවා ගත් අවස්ථාව සිහිපත් කරනු
Verse 135 — Surah As-Saffat 37:135
ඉතිරි වූවන් අතර වූ මැහැල්ලියක් හැර (ඇය දඬුවම් ලැබුවන් සමගය)
Verse 136 — Surah As-Saffat 37:136
පසු ව අපි සෙස්සන් සහමුලින්ම විනාශ කළෙමු
Verse 137 — Surah As-Saffat 37:137
තවද නියත වශයෙන්ම නුඹලා (මක්කාපුර වැසියෙනි) උදෑසන ද ඔවුන්(ගේ විනාශ කරනු ලැබූ වාසස්ථාන) පසුකර ගමන් ගන්නෙහුය
Verse 138 — Surah As-Saffat 37:138
රාත්රියෙහි ද (ඔවුන්ගේ විනාශ කරනු ලැබූ වාසස්ථාන පසුකර ගමන් ගන්නෙහුය) එහෙයින් නුඹලා වටහා නොගන්නෙහු ද
Verse 139 — Surah As-Saffat 37:139
තවද නියත වශයෙන්ම යූනුස් දහම් දූතයින් අතුරිනි
Verse 140 — Surah As-Saffat 37:140
පටවන ලද නැව වෙත ඔහු පලා ගිය අවස්ථාව සිහියට නගනු
Verse 141 — Surah As-Saffat 37:141
එවිට කුසපත් ඇද්දේය. එවිට ඔහු කුසපත් ඇදීමෙන් තෝරා ගනු ලැබූවන් අතුරින් විය
Verse 142 — Surah As-Saffat 37:142
පසු ව ඔහු දොස් නගනු ලැබූ තත්ත්වයේ මත්සයා ඔහු ගිල දැමීය
Verse 143 — Surah As-Saffat 37:143
නියත වශයෙන්ම ඔහු සුවිශුද්ධ කරන්නන් අතුරින් කෙනෙකු නොවී නම්
Verse 144 — Surah As-Saffat 37:144
ඔහු මළවුන් කෙරෙන් නැගිටුවනු ලබන දිනය දක්වා උගේ කුස තුළ රැඳෙන්නට තිබුණි
Verse 145 — Surah As-Saffat 37:145
එවිට ඔහු රෝගී ව සිටිය දී අපි ඔහු පාළු වෙරළකට හෙළුවෙමු
Verse 146 — Surah As-Saffat 37:146
තවද අපි ඒ මත වැල් වලින් යුත් (ලබු වැනි) ගසක් හට ගැන්වූයෙමු
Verse 147 — Surah As-Saffat 37:147
තවද අපි ඔහු සිය දහසක් දෙනා වෙත හෝ (ඊට වඩා) අධික වූ අය වෙත දහම් දූතයකු ලෙස එව්වෙමු
Verse 148 — Surah As-Saffat 37:148
එවිට ඔවුහු විශ්වාස කළෝය. එහෙයින් අපි ඔවුනට ටික කලකට භුක්ති විඳින්නට සැලැස්වූයෙමු
Verse 149 — Surah As-Saffat 37:149
නබිවරය ( අල්ලාහ්ට සමාන තබන ) ඔවුන්ගෙන් පරමාධිපතිට ගැහැනු දරුවන් සහ ඔවුනට පිරිමි දරුවන් දැයි ඔබ කරුණු විමසනු
Verse 150 — Surah As-Saffat 37:150
එසේ නැතහොත් (අප ඉදිරියේ) ඔවුන් සාක්ෂිකරුවන් ලෙස සිටිය දී අපි මලක්වරුන් කාන්තාවන් ලෙස මවා ඇත්තෙමු ද
Verse 151 — Surah As-Saffat 37:151
දැනගනු. නියත වශයෙන්ම ඔවුන් බොරු ගොතමින් පවසනුයේ
Verse 152 — Surah As-Saffat 37:152
අල්ලාහ් ජාතක කළ බවයි. නියත වශයෙන්ම ඔවුහු මුසාවාදීහුය
Verse 153 — Surah As-Saffat 37:153
ඔහු පුතුන්ට වඩා දූවරුන් තෝරා ගත්තේද
Verse 154 — Surah As-Saffat 37:154
නුඹලාට කුමක් වී ද? නුඹලා තීන්දු කරනුයේ කෙසේ ද
Verse 155 — Surah As-Saffat 37:155
නුඹලා මෙනෙහි නොකරන්නෙහු ද
Verse 156 — Surah As-Saffat 37:156
නැතහොත් (මේ පිළිබඳ) නුඹලාට පැහැදිලි සාධකයක් තිබේ ද
Verse 157 — Surah As-Saffat 37:157
එසේ නුඹලා සත්යවාදීන් ලෙස සිටියෙහු නම්, නුඹලා නුඹලාගේ (බල සහිත) පුස්තකය ගෙන එනු
Verse 158 — Surah As-Saffat 37:158
තවද ඔහු අතර හා ජින්නුන් අතර ඔවුහු නෑදෑකමක් ඇති කළෝය. තවද නියත වශයෙන්ම තමන් සම්මුඛ කරනු ලබන්නෝම යැයි ජින්වරුන් සැබැවින්ම දැනගත්තෝය
Verse 159 — Surah As-Saffat 37:159
ඔවුන් ආරෝපණය කරන දැයින් අල්ලාහ් සුවිශුද්ධය
Verse 160 — Surah As-Saffat 37:160
නමුත් අල්ලාහ්ගේ අවංක ගැත්තන් හැර (සියලු දෙනා දඬුවමට ලක්වෙති)
Verse 161 — Surah As-Saffat 37:161
එහෙයින් සැබැවින්ම නුඹලා හා නුඹලා නමදින දෑ
Verse 162 — Surah As-Saffat 37:162
ඔහුට එරෙහිව නොමග හරින්නන් ලෙස (ආදේශ කරන්නන් වන) නුඹලා නැත
Verse 163 — Surah As-Saffat 37:163
නිරා ගින්නට පිවිසීමට කළින් නියම කරනු ලැබුවන් හැර (අල්ලාහ්ගේ යහපත් ගැත්තන් නිරයට නොපිවිසෙති)
Verse 164 — Surah As-Saffat 37:164
නියම කරනු ලැබූ ස්ථානයක් තමන්ට හිමිව ඇත්තන් මිස අප අතුරින් (කිසිවෙක්) නැත
Verse 165 — Surah As-Saffat 37:165
තවද නියත වශයෙන්ම අපමය පෙළගැසෙන්නෝ
Verse 166 — Surah As-Saffat 37:166
තවද නියත වශයෙන්ම අපමය පිවිතුරු කරන්නෝ
Verse 167 — Surah As-Saffat 37:167
(මෙසේ) ඔවුහු පවසමින් සිටියෝය
Verse 168 — Surah As-Saffat 37:168
(එනම්) මුල් අයගෙන් වූ මෙනෙහි කිරීමක් සැබැවින්ම අප වෙත තිබුණේ නම්
Verse 169 — Surah As-Saffat 37:169
සැබැවින්ම අපි අල්ලාහ්ගේ අවංක ගැත්තන් වන්නට තිබුණි යැයි (ඔවුහු පවසමින් සිටියෝය)
Verse 170 — Surah As-Saffat 37:170
නමුත් ඔවුහු එය (කුර්ආනය) ප්රතික්ෂේප කළෝය. එහෙයින් ඔවුහු මතු දැන ගනු ඇත
Verse 171 — Surah As-Saffat 37:171
දූතයන් වශයෙන් එවනු ලැබූ අපගේ ගැත්තන් හට අපගේ (ජයග්රහණයේ) වදන සැබැවින්ම පෙරටු විය
Verse 172 — Surah As-Saffat 37:172
නියත වශයෙන්ම ඔවුහුමය උදව් කරනු ලබන්නෝ
Verse 173 — Surah As-Saffat 37:173
තවද නියත වශයෙන්ම අපගේ සේනාව වන ඔවුහුමය (අබිබවා යමින්) ජය ලබන්නෝ
Verse 174 — Surah As-Saffat 37:174
එහෙයින් ඔබ (රසූල්වරයාණෙනි) මද කලක් දක්වා ඔවුන්ගෙන් ඉවත් ව සිටිනු
Verse 175 — Surah As-Saffat 37:175
තවද ඔවුන් ගැන ඔබ බලා සිටිනු. එවිට ඔවුන් (ඔවුන්ගේ දඬුවම) මතු දකිනු ඇත
Verse 176 — Surah As-Saffat 37:176
එහෙයින් අපගේ දඬුවම ද ඔවුන් (ආදේශ කරන්නන්) ඉක්මණින් පතනුයේ
Verse 177 — Surah As-Saffat 37:177
පසුව එය (අපේ දඬුවම) ඔවුන්ගේ මිදුලට පහළ වූ විට, අවවාද කරනු ලැබූවන්ගේ උදෑසන නපුරු විය
Verse 178 — Surah As-Saffat 37:178
මද කලක් දක්වා ඔවුන්ගෙන් ඔබ ඉවත් ව සිටිනු
Verse 179 — Surah As-Saffat 37:179
තවද ඔවුන් ගැන ඔබ බලා සිටිනු. එවිට ඔවුන්(ගේ දඬුවම) මතු දකිනු ඇත
Verse 180 — Surah As-Saffat 37:180
ගෞරවය හිමි ඔබේ පරමාධිපති ඔවුන් වර්ණනා කරන දැයින් සුවිශුද්ධය
Verse 181 — Surah As-Saffat 37:181
සියලුම දහම් දූතයින් වෙත (සලාම් හෙවත්) සාමය අත්වේවා
Verse 182 — Surah As-Saffat 37:182
ලෝකයන්හි පරමාධිපති වූ අල්ලාහ්ටම සියලු ප්රශංසා හිමිය