Back to LanguagesPrevious ChapterNext Chapter EnglishArabicUrduHindiTamilBengali
Tamil - Chapter 37 - As-Saffat
Translation by Jan Turst Foundation — Permalink
Verse 1 — Surah As-Saffat 37:1
அணிவகுத்து நிற்பவர்கள் மீது சத்தியமாக
Verse 2 — Surah As-Saffat 37:2
பலமாக விரட்டுபவர்கள் மீது சத்தியமாக
Verse 3 — Surah As-Saffat 37:3
(நினைவூட்டும்) வேதத்தை ஓதுவோர் மீது சத்தியமாக
Verse 4 — Surah As-Saffat 37:4
நிச்சயமாக உங்களுடைய நாயன் ஒருவனே
Verse 5 — Surah As-Saffat 37:5
வானங்களுக்கும், பூமிக்கும், இவ்விரண்டிற்கும் இடையே உள்ளவற்றுக்கும் (அவனே) இறைவன்; கீழ்திசைகளின் இறைவன்
Verse 6 — Surah As-Saffat 37:6
நிச்சயமாக நாமே (பூமிக்கு) சமீபமாக இருக்கும் வானத்தை நட்சத்திரங்களின் அழகைக் கொண்டு அழகுபடுத்தியிருக்கிறோம்
Verse 7 — Surah As-Saffat 37:7
(அதைத்) தீய ஷைத்தான்கள் அனைவருக்கும் தடையாகவும் (ஆக்கினோம்)
Verse 8 — Surah As-Saffat 37:8
(அதனால்) அவர்கள் மேலான கூட்டத்தார் (பேச்சை ஒளிந்து) கேட்க முடியாது இன்னும், அவர்கள் ஒவ்வோர் திசையிலிருந்தும் வீசி எறியப்படுகிறார்கள்
Verse 9 — Surah As-Saffat 37:9
(அவர்கள்) துரத்தப்படுகிறார்கள்; அவர்களுக்கு நிலையான வேதனையுமுண்டு
Verse 10 — Surah As-Saffat 37:10
(ஏதேனும் செய்தியை) இறைஞ்சிச் செல்ல முற்பட்டால், அப்பொழுது அவனைப் பிரகாச தீப்பந்தம் பின்தொடரும்
Verse 11 — Surah As-Saffat 37:11
ஆகவே, "படைப்பால் அவர்கள் வலியவர்களா அல்லது நாம் படைத்திருக்கும் (வானம், பூமி போன்றவையா) என்று (நிராகரிப்போரிடம் நபியே!) நீர் கேட்பீராக! நிச்சயமாக நாம் அவர்களைப் பிசுபிசுப்பன களிமண்ணால்தான் படைத்திருக்கின்றோம்
Verse 12 — Surah As-Saffat 37:12
(நபியே! அல்லாஹ்வின் வல்லமையைக் கண்டு) நீர் ஆச்சரியப்படுகிறீர்; (ஆனால்) அவர்கள் பரிகாசம் செய்கின்றனர்
Verse 13 — Surah As-Saffat 37:13
அன்றியும், அவர்களுக்கு நினைவூட்டப்பட்டாலும், (அதனை) அவர்கள் நினைவிலிறுத்திக் கொள்வதில்லை
Verse 14 — Surah As-Saffat 37:14
அவர்கள் (ஏதேனும்) ஓர் அத்தாட்சியைக் கண்டாலும், (அதை) மெத்தப்பரிகாசம் செய்கின்றனர்
Verse 15 — Surah As-Saffat 37:15
இது பகிரங்கமான சூனியமேயன்றி வேறில்லை" என்றும் அவர்கள் கூறுகின்றனர்
Verse 16 — Surah As-Saffat 37:16
நாங்கள் இறந்து, மண்ணாகவும் எலும்புகளாகவும் நாங்கள் ஆகிவிட்டாலும், மெய்யாகவே (நாங்கள் மீண்டும் உயிர்ப்பித்து) எழுப்பப்படுபவர்களா? (என்றும் கேட்கின்றனர்)
Verse 17 — Surah As-Saffat 37:17
அவ்வாறே, முந்தைய நம் தந்தையர்களுமா? (எழுப்பப்படுவார்கள்? என்றும் கேட்கின்றனர்)
Verse 18 — Surah As-Saffat 37:18
ஆம்! (உங்கள் செயல்களின் காரணமாக) நீங்கள் சிறுமையடைந்தவர்களா(கவும் எழுப்பப்படு)வீர்கள்" என்று (நபியே!) நீர் கூறும்
Verse 19 — Surah As-Saffat 37:19
ஒரே சப்தம் தான்! உடனே அவர்கள் (திடுக்கிட்டு எழுந்து) பார்ப்பார்கள்
Verse 20 — Surah As-Saffat 37:20
(அவ்வேளை) "எங்களுடைய கேடே! இது கூலி கொடுக்கும் நாளாயிற்றே" என்று அவர்கள் கூறுவர்
Verse 21 — Surah As-Saffat 37:21
நீங்கள் பொய்ப்பிக்க முற்பட்டுக் கொண்டிருந்தீர்களே அந்தத் தீர்ப்பு நாள் இதுதான்!" (என்று அவர்களுக்குக் கூறப்படும்)
Verse 22 — Surah As-Saffat 37:22
அநியாயம் செய்தார்களே அவர்களையும் அவர்களுடைய துணைகளையும், அவர்கள் வணங்கிக் கொண்டிருந்தவற்றையும் ஒன்று சேருங்கள்
Verse 23 — Surah As-Saffat 37:23
அல்லாஹ்வையன்றி (அவர்கள் வழிபட்டவை அவை) பின்னர் அவர்களை, நரகத்தின் பாதைக்கு கொண்டு செல்லுங்கள்
Verse 24 — Surah As-Saffat 37:24
இன்னும், அவர்களை (அங்கே) நிறுத்தி வையுங்கள்; அவர்கள் நிச்சயமாகக் (கேள்வி கணக்குக்) கேட்கப்பட வேண்டியவர்கள்" (என்று மலக்குகளுக்குக் கூறப்படும்)
Verse 25 — Surah As-Saffat 37:25
உங்களுக்கு என்ன நேர்ந்தது? நீங்கள் ஏன் ஒருவருக்கொருவர் (உலகில் செய்தது போன்று) உதவி செய்து கொள்ளவில்லை?" (என்று கேட்கப்படும்)
Verse 26 — Surah As-Saffat 37:26
ஆனால் அவர்கள் அந்நாளில் (எதுவும் செய்ய இயலாது தலை குனிந்து) கீழ்படிந்தவர்களாக இருப்பார்கள்
Verse 27 — Surah As-Saffat 37:27
அவர்களில் சிலர் சிலரை முன்னோக்கி, ஒருவரை ஒருவர் கேள்வி கேட்டு(த் தர்க்கித்துக்) கொண்டும் இருப்பார்கள்
Verse 28 — Surah As-Saffat 37:28
(தம் தலைவர்களை நோக்கி) "நிச்சயமாக நீங்கள் வலப்புறத்திலிருந்து (சக்தியுடன்) எங்களிடம் வருகிறவர்களாக இருந்தீர்கள்" என்று கூறுவார்கள்
Verse 29 — Surah As-Saffat 37:29
(அப்படியல்ல!) நீங்கள் தாம் முஃமின்களாக - நம்பிக்கை கொண்டோராய் - இருக்கவில்லை!" என்று அ(த்தலை)வர்கள் கூறுவர்
Verse 30 — Surah As-Saffat 37:30
அன்றியும் உங்கள் மீது எங்களுக்கு எவ்வித அதிகாரமும் இருக்கவில்லை எனினும் நீங்கள் தாம் வரம்பு கடந்து பாவம் செய்யும் கூட்டத்தாராக இருந்தீர்கள்
Verse 31 — Surah As-Saffat 37:31
ஆகையால், எங்கள் இறைவனுடைய வாக்கு எங்கள் மீது உண்மையாகி விட்டது நிச்சயமாக நாம் (யாவரும் வேதனையைச்) சுவைப்பவர்கள் தாம்
Verse 32 — Surah As-Saffat 37:32
(ஆம்) நாங்கள் உங்களை வழிகெடுத்தோம்; நிச்சயமாக நாங்களே வழிகெட்டுத்தான் இருந்தோம்
Verse 33 — Surah As-Saffat 37:33
ஆகவே, அந்நாளில் நிச்சயமாக அவர்கள் வேதனையில் கூட்டானவர்களாகவே இருப்பார்கள்
Verse 34 — Surah As-Saffat 37:34
குற்றவாளிகளை இவ்வாறு தான் நாம் நிச்சயமாக நடத்துவோம்
Verse 35 — Surah As-Saffat 37:35
அல்லாஹ்வைத்தவிர நாயன் இல்லை" என்று அவர்களுக்குக் கூறப்பட்டால், மெய்யாகவே அவர்கள் பெருமையடித்தவர்களாக இருந்தனர்
Verse 36 — Surah As-Saffat 37:36
ஒரு பைத்தியக்காரப் புலவருக்காக நாங்கள் மெய்யாக எங்கள் தெய்வங்களைக் கைவிட்டு விடுகிறவர்களா?" என்றும் அவர்கள் கூறுகிறார்கள்
Verse 37 — Surah As-Saffat 37:37
அப்படியல்ல! அவர் சத்தியத்தையே கொண்டு வந்திருக்கிறார்; அன்றியும் (தமக்கு முன்னர் வந்த) தூதர்களையும் உண்மைப்படுத்துகிறார்
Verse 38 — Surah As-Saffat 37:38
(இதை நிராகரிப்போராயின்) நிச்சயமாக நீங்கள் நோவினை தரும் வேதனையை அனுபவிப்பவர்கள் தாம்
Verse 39 — Surah As-Saffat 37:39
ஆனால், நீங்கள் செய்து கொண்டிருந்தவற்றுக்கன்றி (வேறு) எதற்கும் நீங்கள் கூலி கொடுக்கப்படமாட்டீர்கள்
Verse 40 — Surah As-Saffat 37:40
அல்லாஹ்வுடைய அந்தரங்க சுத்தியான அடியார்களோ (எனின்)
Verse 41 — Surah As-Saffat 37:41
அவர்களுக்கு அறியப்பட்டுள்ள உணவு அவர்களுக்கு இருக்கிறது
Verse 42 — Surah As-Saffat 37:42
கனி வகைகள் (அளிக்கப்படும்), இன்னும் அவர்கள் கண்ணியப்படுத்தப்படுவார்கள்
Verse 43 — Surah As-Saffat 37:43
இன்பம் அளிக்கும் சுவர்க்கங்களில்
Verse 44 — Surah As-Saffat 37:44
ஒருவரையொருவர் முன்னோக்கியவாறு கட்டில்கள் மீது (அமர்ந்திருப்பார்கள்)
Verse 45 — Surah As-Saffat 37:45
தெளிவான பானம் நிறைந்த குவளைகள் அவர்களசை; சுற்றி கொண்டுவரும்
Verse 46 — Surah As-Saffat 37:46
(அது) மிக்க வெண்மையானது அருந்துவோருக்கு மதுரமானது
Verse 47 — Surah As-Saffat 37:47
அதில் கெடுதியும் இராது அதனால் அவர்கள் புத்தி தடுமாறுபவர்களும் அல்லர்
Verse 48 — Surah As-Saffat 37:48
இன்னும், அவர்களிடத்தில் அடக்கமான பார்வையும், நெடிய கண்களும் கொண்ட (அமர கன்னியரும்) இருப்பார்கள்
Verse 49 — Surah As-Saffat 37:49
(தூய்மையில் அவர்கள் சிப்பிகளில்) மறைக்கப்பட்ட முத்துக்களைப் போல் இருப்பார்கள்
Verse 50 — Surah As-Saffat 37:50
(அப்பொழுது) அவர்களில் ஒரு சிலர் சிலரை முன்னோக்கியவாறு பேசிக் கொண்டிருப்பார்கள்
Verse 51 — Surah As-Saffat 37:51
அவர்களில் ஒருவர்; எனக்கு (இம்மையில்) உற்ற நண்பன் ஒருவன் இருந்தான் எனக் கூறுவார்
Verse 52 — Surah As-Saffat 37:52
(மரணத்திற்குப் பின் உயிர்ப்பிக்கப் படுவோம் என்பதை) உண்மையென ஏற்பவர்களில் நிச்சயமாக நீயும் ஒருவனா எனக் கேட்டான்
Verse 53 — Surah As-Saffat 37:53
நாம் இறந்து மண்ணாகவும், எலும்புகளாகவுமாகி விட்டபின், (மீண்டும் நாம் உயிர்ப்பிக்கப்பட்டு) கூலி வழங்கப்பெறுவோமா?" என்றும் கேட்டான்
Verse 54 — Surah As-Saffat 37:54
(அவ்வாறு கூறியவனை) "நீங்கள் பார்க்(க விரும்பு)கிறீர்களா?" என்றும் கூறுவார்
Verse 55 — Surah As-Saffat 37:55
அவர் (கீழே) நோக்கினார்; அவனை நரகத்தின் நடுவில் பார்த்தார்
Verse 56 — Surah As-Saffat 37:56
(அவனிடம்) "அல்லாஹ்வின் மீது சத்தியமாக! நீ என்னை அழித்துவிட முற்பட்டாயே
Verse 57 — Surah As-Saffat 37:57
என் இறைவனுடைய அருள் இல்லாதிருந்தால், நானும் (நரகத்திற்குக்) கொண்டு வரப்பட்டவர்களில் ஒருவனாகியிருப்பேன்
Verse 58 — Surah As-Saffat 37:58
(மற்றொருமுறையும்) நாம் இறந்து விடுவோமா
Verse 59 — Surah As-Saffat 37:59
(இல்லை) நமக்கு முந்திய மரணத்தைத் தவிர வேறில்லை அன்றியும், நாம் வேதனை செய்யப்படுபவர்களும் அல்லர்" என்று கூறுவார்
Verse 60 — Surah As-Saffat 37:60
நிச்சயமாக இதுதான் மகத்தான வெற்றியாகும்
Verse 61 — Surah As-Saffat 37:61
எனவே பாடுபடுபவர்கள் இது போன்றதற்காகவே பாடுபடவேண்டும்
Verse 62 — Surah As-Saffat 37:62
அது சிறப்பான விருந்தா? அல்லது (நரகத்திலிருக்கும் கள்ளி) 'ஜக்கூம்' என்ற மரமா
Verse 63 — Surah As-Saffat 37:63
நிச்சயமாக நாம் அதை அநியாயக்காரர்களுக்கு ஒரு சோதனையாகவே செய்திருக்கிறோம்
Verse 64 — Surah As-Saffat 37:64
மெய்யாகவே அது நரகத்தின் அடித்தளத்திலிருந்து வளரும் மரமாகும்
Verse 65 — Surah As-Saffat 37:65
அதன் பாளைகள் ஷைத்தான்களின் தலைகளைப் போலிருக்கும்
Verse 66 — Surah As-Saffat 37:66
நிச்சயமாக, அவர்கள் அதிலிருந்தே புசிப்பார்கள்; அதைக்கொண்டு தங்களுடைய வயிறுகளை நிரப்பிக் கொள்வார்கள்
Verse 67 — Surah As-Saffat 37:67
பின்னர், நிச்சயமாக அவர்களுக்குக் குடிக்க, கொதிக்கும் நீர் கொடுக்கப்படும்
Verse 68 — Surah As-Saffat 37:68
அதன் பின்னர் அவர்கள் மீளும் தலம் நிச்சயமாக நரகம்தான்
Verse 69 — Surah As-Saffat 37:69
நிச்சயமாக அவர்கள் தம் மூதாதையர்களை வழி கேட்டிலேயே கண்டார்கள்
Verse 70 — Surah As-Saffat 37:70
ஆகையால், அவர்களுடைய அடிச்சுவடுகள்மீதே இவர்களும் விரைந்தார்கள்
Verse 71 — Surah As-Saffat 37:71
இன்னும், இவர்களுக்கு முன்னரும் அப்பண்டைய மக்களில் பெரும்பாலோர் வழி கெட்டிருந்தனர்
Verse 72 — Surah As-Saffat 37:72
மேலும், நிச்சயமாக நாம் அவர்களிடையே அச்சமூட்டி எச்சரிப்பவர்களை அனுப்பினோம்
Verse 73 — Surah As-Saffat 37:73
பிறகு, அவ்வாறு அச்சமூட்டி எச்சரிக்கப்பட்டவர்களின் முடிவு என்னவாயிற்றென்று (நபியே!) நீர் பாரும்
Verse 74 — Surah As-Saffat 37:74
அல்லாஹ்வுடைய அந்தரங்க சுத்தியான அடியார்களைத் தவிர
Verse 75 — Surah As-Saffat 37:75
அன்றியும் நூஹ் நம்மைப் பிரார்த்தித்தார்; பிரார்த்தனைக்கு பதிலளிப்பதில் நாமே சிறந்தோர் ஆவோம்
Verse 76 — Surah As-Saffat 37:76
ஆகவே, நாம் அவரையும் அவருடைய குடும்பத்தாரையும் மிகப்பெருங் கஷ்டத்திலிருந்து பாதுகாத்தோம்
Verse 77 — Surah As-Saffat 37:77
மேலும், அவர்களுடைய சந்ததியரை (பிரளயத்திலிருந்து காப்பாற்றி பிற்காலம்) நிலைத்திருக்கும்படி செய்தோம்
Verse 78 — Surah As-Saffat 37:78
மேலும், அவருக்காகப் பிற்காலத்தவர்க்கு (ஒரு ஞாபகார்த்தத்தை) விட்டு வைத்தோம்
Verse 79 — Surah As-Saffat 37:79
ஸலாமுன் அலாநூஹ்" - அகிலங்கள் எங்கும் நூஹ் மீது ஸலாம் உண்டாவதாக
Verse 80 — Surah As-Saffat 37:80
இவ்வாறே, நன்மை செய்வோருக்கு நிச்யமாக நாம் கூலி கொடுக்கிறோம்
Verse 81 — Surah As-Saffat 37:81
நிச்சயமாக அவர் (நூஹ்) முஃமின்களான நம் நல்லடியார்களில் நின்றுமுள்ளவர்
Verse 82 — Surah As-Saffat 37:82
பிறகு நாம் மற்றவர்களை (வெள்ளத்தில்) மூழ்கடித்தோம்
Verse 83 — Surah As-Saffat 37:83
நிச்சயமாக, இப்ராஹீமும் அவருடைய வழியைப் பின்பற்றியவர்களில் ஒருவர்தாம்
Verse 84 — Surah As-Saffat 37:84
அவர் தூய நெஞ்சத்துடன் தம்முடைய இறைவனிடம் வந்தபோது (நபியே! நீர் நினைவு கூர்வீராக)
Verse 85 — Surah As-Saffat 37:85
அவர் தம் தந்தையையும், தம் சமூகத்தாரையும் நோக்கி "நீங்கள் எதனை வணங்குகிறீர்கள்? எனக் கேட்ட போது
Verse 86 — Surah As-Saffat 37:86
அல்லாஹ்வையன்றி பொய்யான தெய்வங்களையா நீங்கள் விரும்புகிறீர்கள்
Verse 87 — Surah As-Saffat 37:87
அவ்வாறாயின் அகிலங்களுக்கெல்லாம் இறைவன் பற்றி உங்கள் எண்ணம் தான் என்ன?" (என்று கேட்டார்)
Verse 88 — Surah As-Saffat 37:88
பின்னர் அவர் நட்சத்திரங்களை ஒரு பார்வை பார்த்தார்
Verse 89 — Surah As-Saffat 37:89
நிச்சயமாக நாம் நோயாளியாக இருக்கிறேன்" என்றும் கூறினார்
Verse 90 — Surah As-Saffat 37:90
எனவே அவரை விட்டும் அ(வருடைய சமூகத்த)வர்கள் திரும்பிச் சென்றனர்
Verse 91 — Surah As-Saffat 37:91
அப்பால் அவர்களுடைய தெய்வங்களின் பால் அவர் சென்று "(உங்களுக்கு முன் படைக்கப்பட்டுள்ள உணவுகளை) நீங்கள் உண்ணமாட்டீர்களா?" என்று கூறினார்
Verse 92 — Surah As-Saffat 37:92
உங்களுக்கு என்ன (நேர்ந்தது)? நீங்கள் ஏன் பேசுகிறீர்களில்லை?" (என்றும் கேட்டார்)
Verse 93 — Surah As-Saffat 37:93
பின் அவர் அவற்றின் பக்கம் திரும்பி தம் வலக்கையால் அவற்றை அடித்து (உடைத்து) விட்டார்
Verse 94 — Surah As-Saffat 37:94
(அவற்றை வணங்குபவர்கள்) அவர்பால் விரைந்து வந்தார்கள்
Verse 95 — Surah As-Saffat 37:95
அவர் கூறினார்! "நீங்களே செதுக்கிய இவற்றையா வணங்குகிறீர்கள்
Verse 96 — Surah As-Saffat 37:96
உங்களையும், நீங்கள் செய்த(இ)வற்றையும், அல்லாஹ்வே படைத்திருக்கின்றான்
Verse 97 — Surah As-Saffat 37:97
அவர்கள் கூறினார்கள்; "இவருக்காக(ப் பெரியதொரு நெருப்புக்) கிடங்கை அமைத்து எரிநெருப்பில் அவரை எறிந்து விடுங்கள்
Verse 98 — Surah As-Saffat 37:98
(இவ்வாறாக) அவர்கள் அவருக்குச் சதி செய்ய நாடினார்கள்; ஆனால், நாம் அவர்களையே இழிவுபடுத்தி விட்டோம்
Verse 99 — Surah As-Saffat 37:99
மேலும், அவர் கூறினார்; "நிச்சயமாக நான் என்னுடைய இறைவனிடம் செல்பவன்; திட்டமாக அவன் எனக்கு நேர் வழியைக் காண்பிப்பான்
Verse 100 — Surah As-Saffat 37:100
என்னுடைய இறைவா! நீ எனக்கு ஸாலிஹான ஒரு நன்மகனைத் தந்தருள்வாயாக" (என்று பிரார்த்தித்தார்)
Verse 101 — Surah As-Saffat 37:101
எனவே, நாம் அவருக்கு பொறுமைசாலியான ஒரு மகனைக் கொண்டு நன்மாராயங் கூறினோம்
Verse 102 — Surah As-Saffat 37:102
பின் (அம்மகன்) அவருடன் நடமாடக்கூடிய (வயதை அடைந்த) போது அவர் கூறினார்; "என்னருமை மகனே! நான் உன்னை அறுத்து பலியிடுவதாக நிச்சயமாகக் கனவு கண்டேன். இதைப்பற்றி உம் கருத்து என்ன என்பதைச் சிந்திப்பீராக!" (மகன்) கூறினான்; "என்னருமைத் தந்தையே! நீங்கள் ஏவப்பட்டபடியே செய்யுங்கள். அல்லாஹ் நாடினால் - என்னை நீங்கள் பொறுமையாளர்களில் நின்றுமுள்ளவனாகவே காண்பீர்கள்
Verse 103 — Surah As-Saffat 37:103
ஆகவே, அவ்விருவரும் (இறைவன் கட்டளைக்கு) முற்றிலும் வழிப்பட்டு, (இப்றாஹீம்) மகனைப் பலியிட முகம் குப்புறக்கிடத்திய போது
Verse 104 — Surah As-Saffat 37:104
நாம் அவரை "யா இப்றாஹீம்!" என்றழைத்தோம்
Verse 105 — Surah As-Saffat 37:105
திடமாக நீர் (கண்ட) கனவை மெய்ப்படுத்தினீர். நிச்சயமாக நன்மை செய்வோருக்கு நாம் இவ்வாறே கூலி கொடுத்திருக்கிறோம்
Verse 106 — Surah As-Saffat 37:106
நிச்சயமாக இது தெளிவான ஒரு பெருஞ் சோதனையாகும்
Verse 107 — Surah As-Saffat 37:107
ஆயினும், நாம் ஒரு மகத்தான் பலியைக் கொண்டு அவருக்குப்ப பகரமாக்கினோம்
Verse 108 — Surah As-Saffat 37:108
இன்னும் அவருக்காகப் பிற்காலத்தவருக்கு (ஒரு ஞாபகார்த்தத்தை) விட்டு வைத்தோம்
Verse 109 — Surah As-Saffat 37:109
ஸலாமுன் அலா இப்ராஹீம்" (இப்ராஹீம் மீது ஸலாம் உண்டாவதாக)
Verse 110 — Surah As-Saffat 37:110
இவ்வாறே, நன்மை செய்வோருக்கு, நாம் கூலி கொடுக்கிறோம்
Verse 111 — Surah As-Saffat 37:111
நிச்சயமாக அவர் முஃமின்களான நம் (நல்)லடியார்களில் நின்றுமுள்ளவர்
Verse 112 — Surah As-Saffat 37:112
ஸாலிஹானவர்களிலுள்ளவரான நபி இஸ்ஹாக்கை அவருக்கு இன்னும் (மகனாகத் தருவதாக) நாம் நன்மாராயம் கூறினோம்
Verse 113 — Surah As-Saffat 37:113
இன்னும் நாம் அவர் மீதும் இஸ்ஹாக் மீதும் பாக்கியங்கள் பொழிந்தோம்; மேலும் அவ்விருவருடைய சந்ததியரில் நன்மை செய்பவர்களும் இருக்கின்றார்கள்; அன்றியும் தமக்குத் தாமே பகிரங்கமாக அநியாயம் செய்து கொள்வோரும் இருக்கின்றனர்
Verse 114 — Surah As-Saffat 37:114
மேலும், மூஸா, ஹாரூன் ஆகியவர்கள் மீதும் நாம் நிச்சயமாக அருள் புரிந்தோம்
Verse 115 — Surah As-Saffat 37:115
அவ்விருவரையும், அவ்விருவருடைய சமூகத்தாரையும் மிகப்பெரும் துன்பத்திருந்து இரட்சித்தோம்
Verse 116 — Surah As-Saffat 37:116
மேலும், நாம் அவர்களுக்கு உதவி செய்தோம்; எனவே அவர்கள் தாம் வெற்றி பெற்றோரானார்கள்
Verse 117 — Surah As-Saffat 37:117
அவ்விருவருக்கும் நாம் துலக்கமான வேதத்தைக் கொடுத்தோம்
Verse 118 — Surah As-Saffat 37:118
இன்னும், நாம் அவ்விருவருக்கும் நேர்வழியைக் காண்பித்தோம்
Verse 119 — Surah As-Saffat 37:119
இன்னும் அவ்விருவருக்குமாகப் பிற்காலத்தவருக்கு (ஒரு ஞாபகார்த்தத்தை) விட்டு வைத்தோம்
Verse 120 — Surah As-Saffat 37:120
ஸலாமுன் அலா மூஸா வ ஹாரூன்" மூஸாவுக்கும், ஹாரூனுக்கும் ஸலாம் உண்டாவதாக
Verse 121 — Surah As-Saffat 37:121
இவ்வாறே நன்மை செய்வோருக்கு நாம் கூலி கொடுக்கிறொம்
Verse 122 — Surah As-Saffat 37:122
நிச்சயமாக அவ்விருவரும் முஃமின்களான நம் (நல்)லடியார்களில் நின்றுமுள்ளவர்கள்
Verse 123 — Surah As-Saffat 37:123
மேலும், நிச்சயமாக இல்யாஸும் முர்ஸல்(களில் - தூதராக அனுப்பப்பட்டவர்)களில் ஒருவர் தாம்
Verse 124 — Surah As-Saffat 37:124
அவர் தம் சமூகத்தவரிடம்; "நீங்கள் (இறைவனை) அஞ்ச மாட்டீர்களா?" என்று (போதித்துச்) சொல்லியதை (நினைவு கூர்வீராக)
Verse 125 — Surah As-Saffat 37:125
நீங்கள் படைப்பவர்களில் மிகச் சிறப்பானவனை விட்டு விட்டு 'பஃலு' (எனும் சிலையை) வணங்குகிறீர்களா
Verse 126 — Surah As-Saffat 37:126
அல்லாஹ்தான் - உங்களுடைய இறைவனும், உங்களுடை முன் சென்ற மூதாதையர்களின் இறைவனும் ஆவான்
Verse 127 — Surah As-Saffat 37:127
ஆனால் அவர்கள் அவரைப் பொய்ப்பித்தார்கள்; ஆகையால், அவர்கள் (மறுமையில் இறைவன் முன்னே தண்டனைக்காக) நிச்சயமாக கொண்டு வரப்படுவார்கள்
Verse 128 — Surah As-Saffat 37:128
அல்லாஹ்வுடைய தூய அடியார்களைத் தவிர. (இவர்களுக்கு நற்கூலியுண்டு)
Verse 129 — Surah As-Saffat 37:129
மேலும், நாம் அவருக்காகப் பிற்காலத்தவருக்கு (ஒரு ஞாபகார்த்தத்தை) விட்டு வைத்தோம்
Verse 130 — Surah As-Saffat 37:130
ஸலாமுன் அலா இல்யாஸீன்" இல்யாஸீன் மீது ஸலாமுண்டாவதாக
Verse 131 — Surah As-Saffat 37:131
இவ்வாறே நன்மை செய்வோருக்கு நிச்சயமாக நாம் கூலி கொடுக்கிறோம்
Verse 132 — Surah As-Saffat 37:132
நிச்சயமாக அவர் முஃமின்களான நம் (நல்) அடியார்களில் நின்றுமுள்ளவர்
Verse 133 — Surah As-Saffat 37:133
மேலும், லூத்தும் நிச்சயமாக முர்ஸல்களில் - அனுப்பப்பட்டவர்களில் நின்றுமுள்ளவர்
Verse 134 — Surah As-Saffat 37:134
அவரையும் அவருடைய குடும்பத்தார் யாவரையும் காத்துக் கொண்டோம்
Verse 135 — Surah As-Saffat 37:135
பின்னால் தங்கிவிட்டவர்களிடையே இருந்துவிட்ட (லூத்தின் மனைவியான) கிழவியைத் தவிர்த்து
Verse 136 — Surah As-Saffat 37:136
பின்னர் நாம் மற்றவர்களை அழித்து விட்டோம்
Verse 137 — Surah As-Saffat 37:137
இன்னும், நீங்கள் காலை வேலைகளில் அவர்களின் (அழிந்து போன ஊர்களின்) மீதே நடந்து செல்கிறீர்கள்
Verse 138 — Surah As-Saffat 37:138
இன்னும் இரவிலும் கூட(ச் செல்கிறீர்கள். இதைக்கொண்டு) நீங்கள் நல்லறிவு பெற மாட்டீர்களா
Verse 139 — Surah As-Saffat 37:139
மேலும், யூனுஸும் நிச்சயமாக முர்ஸல்களில் - அனுப்பப்பட்டவர்களில் நின்றுமுள்ளவர்
Verse 140 — Surah As-Saffat 37:140
நிரப்பப்பட்ட கப்பலின் பால் அவர் ஒளித்தோடிய போது
Verse 141 — Surah As-Saffat 37:141
அ(க்கப்பலிலுள்ள)வர்கள் சீட்டுக்குலுக்கிப் போட்டுப் பார்த்தனர் - இவர் தாம் குற்றமுள்ளவர் (என்று தீர்மானித்தனர்)
Verse 142 — Surah As-Saffat 37:142
ஆகவே, (அவர்களுடைய) பழிப்புக்கிடமான நிலையில் (கடலில்) எறியப்பட வேண்டியவரானார் ஒரு மீன் விழுங்கிற்று
Verse 143 — Surah As-Saffat 37:143
ஆனால் அவர் (மீன் வயிற்றினுள்) இறைவனைத் துதிசெய்து - தஸ்பீஹு செய்து - கொண்டிராவிட்டால்
Verse 144 — Surah As-Saffat 37:144
(மறுமையில் அவர்) எழுப்பப்படும் நாள்வரை, அதன் வயிற்றிலேயே தங்கியிருந்திருப்பார்
Verse 145 — Surah As-Saffat 37:145
ஆனால், அவர் நோயுற்றிருந்த நிலையில், நாம் அவரை (மீன் வயிற்றிலிருந்து வெளியெற்றி) வெட்ட வெளியில் போட்டோம்
Verse 146 — Surah As-Saffat 37:146
அன்றியும் நாம் அவருக்கு மேல் ஒரு சுரைக்கொடியை முளைப்பித்(து நிழலிடுமாறு செய்)தோம்
Verse 147 — Surah As-Saffat 37:147
மேலும், நாம் அவரை ஒரு நூறாயிரம் அல்லது அதற்கதிகமானவர்களிடம் அனுப்பி வைத்தோம்
Verse 148 — Surah As-Saffat 37:148
ஆகவே அவர்கள் ஈமான் கொண்டார்கள். ஆகையால் அவர்களை ஒரு காலம்வரை சுகிக்; கச்செய்தோம்
Verse 149 — Surah As-Saffat 37:149
(நபியே!) அவர்களிடம் கேளும்; உம் இறைவனுக்குப் பெண் மக்களையும் அவர்களுக்கு ஆண்மக்களையுமா (கற்பனை செய்கிறார்கள்) என்று
Verse 150 — Surah As-Saffat 37:150
அல்லது நாம் மலக்குகளைப் பெண்களாகவா படைத்தோம்? (அதற்கு) அவர்கள் சாட்சிகளா
Verse 151 — Surah As-Saffat 37:151
அறிந்து கொள்க! நிச்சயமாக இவர்கள் தங்கள் கற்பனையில் தான் கூறுகின்றனர்
Verse 152 — Surah As-Saffat 37:152
அல்லாஹ் பிள்ளைகளைப் பெற்றான்" (என்று கூறுபவர்கள்) நிச்சயமாகப் பொய்யர்களே
Verse 153 — Surah As-Saffat 37:153
(அன்றியும், அல்லாஹ்) அவன் ஆண்மக்களை விட்டுப் பெண்மக்களைத் தேர்ந்தெடுத்துக் கொண்டானா
Verse 154 — Surah As-Saffat 37:154
உங்களுக்கு என்ன (நேர்ந்து விட்டது)? எவ்வாறு நீங்கள் தீர்மானிக்கிறீர்கள்
Verse 155 — Surah As-Saffat 37:155
நீங்கள் சிந்தித்துணர மாட்டீர்களா
Verse 156 — Surah As-Saffat 37:156
அல்லது உங்களிடம் தெளிவான ஆதாரம் எதுவும் இருக்கிறதா
Verse 157 — Surah As-Saffat 37:157
நீங்கள் உண்மையாளர்களாயிருப்பின், உங்கள் வேத (ஆதார)த்தைக் கொண்டு வாருங்கள்
Verse 158 — Surah As-Saffat 37:158
அன்றியும் இவர்கள் அல்லாஹ்வுக்கும் ஜின்களுக்குமிடையில் (வம்சாவளி) உறவை (கற்பனையாக) ஏற்படுத்துகின்றனர் ஆனால் ஜின்களும் (மறுமையில் இறைவன் முன்) நிச்சயமாகக் கொண்டுவரப்படுவார்கள் என்பதை அறிந்தேயிருக்கிறார்கள்
Verse 159 — Surah As-Saffat 37:159
எனவே, அவர்கள் இவ்வாறு வர்ணிப்பதை விட்டும் அல்லாஹ் மிகவும் பரிசுத்தமானவன்
Verse 160 — Surah As-Saffat 37:160
அந்தரங்க சுத்தியான அல்லாஹ்வின் அடியார்களைத் தவிர்த்து
Verse 161 — Surah As-Saffat 37:161
ஆகையால், நிச்சயமாக நீங்களும் நீங்கள் வணங்குபவையும்
Verse 162 — Surah As-Saffat 37:162
(எவரையும் அல்லாஹ்வுக்கு) எதிராக நீங்கள் வழிகெடுத்து விடமுடியாது
Verse 163 — Surah As-Saffat 37:163
நரகைச் சென்றடைபவர்களைத் தவிர
Verse 164 — Surah As-Saffat 37:164
(மேலும் மலக்குகள் கூறுகிறார்கள்;) "குறிப்பிடப்பட்ட ஓர் இடம் இல்லாதவராக திடமாக எங்களில் எவருமில்லை
Verse 165 — Surah As-Saffat 37:165
நிச்சயமாக, நாங்கள் (அல்லாஹ்வின் ஏவலை எதிர்பார்த்து) அணிவகுத்தவர்களாகவே (நிற்கின்றோம்)
Verse 166 — Surah As-Saffat 37:166
மேலும், நிச்சயமாக நாங்கள் (அல்லாஹ்வைத் துதி செய்து) தஸ்பீஹு செய்பவர்களாக இருக்கிறோம்
Verse 167 — Surah As-Saffat 37:167
(நபியே! மக்காவாசிகள் முன்னர்) கூறிக்கொண்டிருந்தார்கள்
Verse 168 — Surah As-Saffat 37:168
முன்னோர்களிடமிருந்து, (எங்களுக்கு இறை நினைவூட்டும்) ஏதேனும் ஒரு வேதத்தை நாங்கள் பெற்றிருந்தால்
Verse 169 — Surah As-Saffat 37:169
அல்லாஹ்வுடைய தூய அடியார்களாக நாங்கள் நிச்சயமாக ஆகியிருப்போம்" என்று
Verse 170 — Surah As-Saffat 37:170
ஆனால் (திருக் குர்ஆன் வந்தபோது) அவர்கள் அதை நிராகரிக்கிறார்கள் - (இதன் பலனை) விரைவிலேயே அவர்கள் அறிந்து கொள்வார்கள்
Verse 171 — Surah As-Saffat 37:171
தூதர்களாகிய நம் அடியார்களிடம், முன்னரே திடமாக நம்வாக்குச் சென்றிருக்கிறது
Verse 172 — Surah As-Saffat 37:172
(அதாவது) நிச்சயமாக அவர்கள் உதவி செய்யப்படுவார்கள்
Verse 173 — Surah As-Saffat 37:173
மேலும், நம் படைகளே நிச்சயமாக அவர்களே வெற்றி பெறுவார்கள்
Verse 174 — Surah As-Saffat 37:174
(ஆகவே, நபியே!) சிறிது காலம் வரையில் நீர் அவர்களை விட்டும் விலகியிருப்பீராக
Verse 175 — Surah As-Saffat 37:175
(அவர்களின் நிலை என்னவாகிறது என்பதை) நீர் கவனிப்பீராக! (தங்களுக்கு நேரப்போவதை) அவர்களும் கவனிப்பார்கள்
Verse 176 — Surah As-Saffat 37:176
நம்(மிடமிருந்து வரும்) வேதனைக்காகவா அவர்கள் அவசரப்படுகிறார்கள்
Verse 177 — Surah As-Saffat 37:177
(அவ்வேதனை) அவர்களுடைய முற்றத்தில் இறங்கும்போது அச்சமூட்டி எச்சரிக்கப்பட்ட அவர்களின் விடியல் மிகக் கெட்டதாக இருக்கும்
Verse 178 — Surah As-Saffat 37:178
ஆகவே, சிறிது காலம் வரை நீர் அவர்களை விட்டும் விலகியிருப்பீராக
Verse 179 — Surah As-Saffat 37:179
(அவர்களின் நிலை என்னவாகிறது என்பதை) நீர் கவனிப்பீராக! (தங்களுக்கு நேரப் போவதை) அவர்களும் கவனிப்பார்கள்
Verse 180 — Surah As-Saffat 37:180
அவர்கள் வர்ணிப்பதை விட்டும், கண்ணியத்தின் இறைவனான உம்முடைய இறைவன் தூயவன்
Verse 181 — Surah As-Saffat 37:181
மேலும் முர்ஸல்(களான அவன் தூதர்)கள் மீது ஸலாம் உண்டாவதாக
Verse 182 — Surah As-Saffat 37:182
வல்ஹம்து லில்லாஹி ரப்பில் ஆலமீம் (இன்னும் புகழ் அனைத்தும் அகிலங்களின் இறைவனாகிய அல்லாஹ்வுக்கே உரித்தாகும்)