Back to Languages

Swahili - Chapter 23 - Al-Muminun

Translation by Ali Muhsin Al Barwani — Permalink

Verse 1 — Surah Al-Muminun 23:1

HAKIKA wamefanikiwa Waumini

Verse 2 — Surah Al-Muminun 23:2

Ambao ni wanyenyekevu katika Sala zao

Verse 3 — Surah Al-Muminun 23:3

Na ambao hujiepusha na mambo ya upuuzi

Verse 4 — Surah Al-Muminun 23:4

Na ambao wanatoa Zaka

Verse 5 — Surah Al-Muminun 23:5

Na ambao wanazilinda tupu zao

Verse 6 — Surah Al-Muminun 23:6

Isipo kuwa kwa wake zao au kwa iliyo wamiliki mikono yao ya kulia. Kwani hao si wenye kulaumiwa

Verse 7 — Surah Al-Muminun 23:7

Lakini anaye taka kinyume cha haya, basi hao ndio warukao mipaka

Verse 8 — Surah Al-Muminun 23:8

Na ambao wanazitimiza amana zao na ahadi zao

Verse 9 — Surah Al-Muminun 23:9

Na ambao Sala zao wanazihifadhi

Verse 10 — Surah Al-Muminun 23:10

Verse 11 — Surah Al-Muminun 23:11

Ambao watairithi Pepo ya Firdausi, wadumu humo

Verse 12 — Surah Al-Muminun 23:12

Na kwa yakini tumemuumba mtu kutokana na asli ya udongo

Verse 13 — Surah Al-Muminun 23:13

Kisha tukamjaalia awe tone ya mbegu ya uzazi katika kalio madhubuti

Verse 14 — Surah Al-Muminun 23:14

Kisha tukaiumba tone kuwa damu iliyo ganda, na tukaiumba damu kuwa pande la nyama, kisha tukaliumba pande la nyama kuwa mifupa, na mifupa tukaivika nyama. Kisha tukamfanya kiumbe mwengine. Basi ametukuka Mwenyezi Mungu Mbora wa waumbaji

Verse 15 — Surah Al-Muminun 23:15

Kisha hakika nyinyi baada ya hayo mtakufa

Verse 16 — Surah Al-Muminun 23:16

Kisha hakika nyinyi Siku ya Kiyama mtafufuliwa

Verse 17 — Surah Al-Muminun 23:17

Na kwa yakini tumeziumba juu yenu njia saba. Nasi hatukuwa wenye kughafilika na viumbe

Verse 18 — Surah Al-Muminun 23:18

Na tumeteremsha kutoka mbinguni maji kwa kiasi na tukayatuliza katika ardhi. Na hakika Sisi tunaweza kuyaondoa

Verse 19 — Surah Al-Muminun 23:19

Kwa maji hayo tukakufanyieni bustani za mitende na mizabibu, mnapata humo matunda mengi, na katika hayo mnakula

Verse 20 — Surah Al-Muminun 23:20

Na mti utokao katika mlima wa Sinai, unatoa mafuta na kuwa kitoweo kwa walao

Verse 21 — Surah Al-Muminun 23:21

Na hakika mnayo mazingatio makubwa katika nyama hoa - tunakunywesheni katika vile viliomo matumboni mwao, na nyinyi mnapata katika hao manufaa mengi, na pia mnawala

Verse 22 — Surah Al-Muminun 23:22

Na juu yao na juu ya marikebu mnabebwa

Verse 23 — Surah Al-Muminun 23:23

Na hakika tulimtuma Nuhu kwa watu wake, akasema: Enyi watu wangu! Muabuduni Mwenyezi Mungu. Nyinyi hamna mungu asiye kuwa Yeye. Basi je! Hamwogopi

Verse 24 — Surah Al-Muminun 23:24

Walisema wale wakuu walio kufuru katika watu wake: Huyu si chochote ila ni mtu tu kama nyinyi. Anataka kujipa ubora juu yenu. Na lau kuwa Mwenyezi Mungu amependa basi yakini angeli teremsha Malaika. Hatukusikia haya kwa baba zetu wa zamani

Verse 25 — Surah Al-Muminun 23:25

Huyu si lolote ila ni mtu mwenye wazimu. Basi mngojeeni tu kwa muda

Verse 26 — Surah Al-Muminun 23:26

Akasema (Nuhu): Mola wangu Mlezi! Ninusuru kwa kuwa wamenikanusha

Verse 27 — Surah Al-Muminun 23:27

Tukampa wahyi: Unda jahazi mbele ya macho yetu na uwongozi wetu! Basi itapo fika amri yetu na ikafurika tanuri, hapo waingize ndani yake wa kila namna dume na jike, na ahali zako, isipo kuwa yule ambaye katika wao juu yake imekwisha tangulia kauli. Wala usinitajie hao walio dhulumu. Kwani hao bila ya shaka watazamishwa

Verse 28 — Surah Al-Muminun 23:28

Basi utakapo tulia wewe na walio pamoja nawe humo marikebuni, sema: Alhamdulillahi Sifa zote njema ni za Mwenyezi Mungu, aliye tuokoa na watu madhaalimu

Verse 29 — Surah Al-Muminun 23:29

Na sema: Mola wangu Mlezi! Niteremshe mteremsho wenye baraka, na Wewe ni Mbora wa wateremshaji

Verse 30 — Surah Al-Muminun 23:30

Hakika katika hayo yapo mazingatio. Na kwa yakini Sisi ni wenye kuwafanyia mtihani

Verse 31 — Surah Al-Muminun 23:31

Kisha baada yao tukaanzisha kizazi kingine

Verse 32 — Surah Al-Muminun 23:32

Tukawapelekea Mtume miongoni mwao, kuwaambia: Muabuduni Mwenyezi Mungu! Hamna mungu asiye kuwa Yeye. Jee, hamwogopi

Verse 33 — Surah Al-Muminun 23:33

Na wakubwa katika watu wake walio kufuru na wakakanusha mkutano wa Akhera, na tukawadekeza kwa starehe katika maisha ya dunia, walisema: Huyu si chochote ila ni binaadamu kama nyinyi; anakula mlacho, na anakunywa mnywacho

Verse 34 — Surah Al-Muminun 23:34

Na nyinyi mkimt'ii mtu kama nyinyi basi hakika mtakuwa khasarani

Verse 35 — Surah Al-Muminun 23:35

Hivyo anakuahidini ati ya kwamba mtakapo kufa na mkawa udongo na mifupa kuwa mtatolewa

Verse 36 — Surah Al-Muminun 23:36

Hayawi! Hayawi hayo mnayo ahidiwa

Verse 37 — Surah Al-Muminun 23:37

Hapana ila uhai wetu wa duniani tu, tunakufa na kuishi basi. Wala sisi hatutafufuliwa

Verse 38 — Surah Al-Muminun 23:38

Huyu si lolote ila ni mtu anaye mzulia Mwenyezi Mungu uwongo, wala sisi sio wa kumuamini

Verse 39 — Surah Al-Muminun 23:39

Akasema: Mola wangu Mlezi! Ninusuru kwa sababu wananikanusha

Verse 40 — Surah Al-Muminun 23:40

(Mwenyezi Mungu) akasema: Baada ya muda mchache watakuwa wenye kujuta

Verse 41 — Surah Al-Muminun 23:41

Basi ukawanyakua ukelele kwa haki, na tukawafanya kama takataka zinazo elea juu ya maji. Ikapotelea mbali kaumu ya madhaalimu

Verse 42 — Surah Al-Muminun 23:42

Kisha tukaleta baada yao vizazi vingine

Verse 43 — Surah Al-Muminun 23:43

Hapana umma uwezao kutanguliza ajali yake wala kuikawiza

Verse 44 — Surah Al-Muminun 23:44

Kisha tukawatuma Mitume wetu, mmoja baada ya mmoja. Kila umma alipo wafikia Mtume wao walimkanusha. Tukawafuatanisha hawa baada ya hawa, na tukawafanya ni hadithi za kusimuliwa. Wakapotelea mbali watu wasio amini

Verse 45 — Surah Al-Muminun 23:45

Kisha tukamtuma Musa na nduguye, Haaruni, pamoja na ishara zetu na hoja zilizo wazi

Verse 46 — Surah Al-Muminun 23:46

Kumwendea Firauni na wakuu wake. Lakini walijivuna, nao walikuwa watu majeuri

Verse 47 — Surah Al-Muminun 23:47

Wakasema: Je, tuwaamini wanaadamu wawili hawa kama sisi, na ambao watu wao ni watumwa wetu

Verse 48 — Surah Al-Muminun 23:48

Basi wakawakanusha, na wakawa miongoni mwa walio angamizwa

Verse 49 — Surah Al-Muminun 23:49

Na hakika tulimpa Musa Kitabu ili wapate kuongoka

Verse 50 — Surah Al-Muminun 23:50

Na tukamfanya mwana wa Mariamu na mama yake kuwa ni Ishara, na tukawapa makimbilio kwenda mahali palipo inuka penye utulivu na chemchem za maji

Verse 51 — Surah Al-Muminun 23:51

Enyi Mitume! Kuleni vyakula vizuri na tendeni mema. Hakika Mimi ni Mjuzi wa mnayo yatenda

Verse 52 — Surah Al-Muminun 23:52

Na kwa yakini huu Umma wenu ni Umma mmoja, na Mimi ni Mola wenu Mlezi, basi nicheni Mimi

Verse 53 — Surah Al-Muminun 23:53

Lakini walikatiana jambo lao mapande mbali mbali. Kila kundi likifurahia kwa waliyo nayo

Verse 54 — Surah Al-Muminun 23:54

Basi waache katika ghafla yao kwa muda

Verse 55 — Surah Al-Muminun 23:55

Je! Wanadhani ya kuwa kwa vile tunavyo wapa mali na watoto

Verse 56 — Surah Al-Muminun 23:56

Ndio tunawahimizia kheri? Lakini wenyewe hawatambui

Verse 57 — Surah Al-Muminun 23:57

Kwa hakika hao ambao kwa kumwogopa Mola wao Mlezi wananyenyekea

Verse 58 — Surah Al-Muminun 23:58

Na wale ambao Ishara za Mola wao Mlezi wanaziamini

Verse 59 — Surah Al-Muminun 23:59

Na wale ambao Mola wao Mlezi hawamshirikishi

Verse 60 — Surah Al-Muminun 23:60

Na wale ambao wanatoa walicho pewa, na hali nyoyo zao zinagopa kwa kuwa watarejea kwa Mola wao Mlezi

Verse 61 — Surah Al-Muminun 23:61

Basi wote hao ndio wanao kimbilia katika mambo ya kheri, na ndio watakao tangulia kuyafikia

Verse 62 — Surah Al-Muminun 23:62

Na hatuilazimishi nafsi ila kwa kadri ya uwezo wake. Na tunacho kitabu kisemacho kweli. Nao hawatadhulumiwa

Verse 63 — Surah Al-Muminun 23:63

Lakini nyoyo zao zimeghafilika na hayo, na wanavyo vitendo vinginevyo wanavyo vifanya

Verse 64 — Surah Al-Muminun 23:64

Hata tutakapo watia katika adhabu wale walio dekezwa kwa starehe kati yao, hapo ndipo watapo yayatika

Verse 65 — Surah Al-Muminun 23:65

Msiyayatike leo! Hakika nyinyi hamtanusurika nasi

Verse 66 — Surah Al-Muminun 23:66

Hakika zilikuwa Aya zangu mkisomewa, nanyi mkirudi nyuma juu ya visigino vyenu

Verse 67 — Surah Al-Muminun 23:67

Na huku mkitakabari na usiku mkiizungumza (Qur'ani) kwa dharau

Verse 68 — Surah Al-Muminun 23:68

Je, hawakuifikiri kauli, au yamewajia yasiyo wafikia baba zao wa zamani

Verse 69 — Surah Al-Muminun 23:69

Au hawakumjua Mtume wao, ndio maana wanamkataa

Verse 70 — Surah Al-Muminun 23:70

Au wanasema: Ana wazimu? Bali amewajia kwa Haki, na wengi wao wanaichukia Haki

Verse 71 — Surah Al-Muminun 23:71

Na lau kuwa Haki ingeli fuata matamanio yao, basi zingeli haribika mbingu na ardhi na waliomo ndani. Bali tumewaletea ukumbusho wao, nao wanajitenga mbali na ukumbusho wao

Verse 72 — Surah Al-Muminun 23:72

Au unawaomba ujira? Lakini ujira wa Mola wako Mlezi ni bora, na Yeye ndiye Mbora wa wanao ruzuku

Verse 73 — Surah Al-Muminun 23:73

Na kwa yakini wewe unawaita kwenye Njia Iliyo Nyooka

Verse 74 — Surah Al-Muminun 23:74

Na hakika wale wasio iamini Akhera wanajitenga na Njia hiyo

Verse 75 — Surah Al-Muminun 23:75

Na lau tungeli warehemu na tukawaondolea shida waliyo nayo bila ya shaka wangeli endelea katika upotofu wao vile vile, wakitangatanga

Verse 76 — Surah Al-Muminun 23:76

Na hakika tuliwatia adhabu kali; lakini hawakuelekea kwa Mola wao Mlezi wala hawakunyenyekea

Verse 77 — Surah Al-Muminun 23:77

Mpaka tulipo wafungulia mlango wa adhabu kali, hapo ndipo wakawa wenye kukata tamaa

Verse 78 — Surah Al-Muminun 23:78

Na Yeye ndiye aliye kuumbieni kusikia na kuona na nyoyo za kufahamu. Ni kuchache mno kushukuru kwenu

Verse 79 — Surah Al-Muminun 23:79

Na Yeye ndiye aliye kuenezeni katika ardhi, na kwake Yeye mtakusanywa

Verse 80 — Surah Al-Muminun 23:80

Na Yeye ndiye anaye huisha na kufisha, na yake Yeye mabadiliko ya usiku na mchana. Basi je! Hamfahamu

Verse 81 — Surah Al-Muminun 23:81

Bali wanasema kama walivyo sema watu wa kwanza

Verse 82 — Surah Al-Muminun 23:82

Walisema: Je! Tukisha kufa tukawa udongo na mifupa ndio tutafufuliwa

Verse 83 — Surah Al-Muminun 23:83

Tuliahidiwa haya sisi na baba zetu zamani. Hayakuwa haya ila ni visa vya uwongo vya watu wa zamani

Verse 84 — Surah Al-Muminun 23:84

Sema: Ni ya nani ardhi na viliomo ndani yake, kama nyinyi mnajua

Verse 85 — Surah Al-Muminun 23:85

Watasema: Ni vya Mwenyezi Mungu! Sema: Basi, je, hamkumbuki

Verse 86 — Surah Al-Muminun 23:86

Sema: Ni nani Mola Mlezi wa mbingu saba na Mola Mlezi wa A'rshi Kuu

Verse 87 — Surah Al-Muminun 23:87

Watasema: Ni vya Mwenyezi Mungu. Sema: Basi je, hamwogopi

Verse 88 — Surah Al-Muminun 23:88

Sema: Ni nani mkononi mwake umo Ufalme wa kila kitu, naye ndiye anaye linda, wala hakilindwi asicho taka, kama mnajua

Verse 89 — Surah Al-Muminun 23:89

Watasema: (Ufalme huo) ni wa Mwenyezi Mungu. Sema: Basi vipi mnadanganyika

Verse 90 — Surah Al-Muminun 23:90

Bali tumewaletea Haki, na kwa yakini hao ni waongo

Verse 91 — Surah Al-Muminun 23:91

Mwenyezi Mungu hana mwana yeyote, wala hanaye mungu mwengine. Inge kuwa hivyo basi kila mungu angeli chukua alivyo umba, na baadhi yao wangeli washinda wengine. Mwenyezi Mungu ameepukana na sifa wanazo msifu

Verse 92 — Surah Al-Muminun 23:92

Mjuzi wa siri na dhaahiri, na ametukuka juu ya hayo wanayo mshirikisha nayo

Verse 93 — Surah Al-Muminun 23:93

Sema: Mola wangu Mlezi! Ukinionyesha adhabu waliyo ahidiwa

Verse 94 — Surah Al-Muminun 23:94

Mola wangu Mlezi! Usinijaalie katika watu madhaalimu hao

Verse 95 — Surah Al-Muminun 23:95

Na hakika Sisi ni waweza wa kukuonyeshsa tuliyo waahidi

Verse 96 — Surah Al-Muminun 23:96

Kinga maovu kwa kutenda yaliyo mema zaidi. Sisi tunajua wayasemayo

Verse 97 — Surah Al-Muminun 23:97

Na sema: Mola wangu Mlezi! Najikinga kwako na wasiwasi wa mashet'ani

Verse 98 — Surah Al-Muminun 23:98

Na najikinga kwako, Mola wangu Mlezi, wasinikaribie

Verse 99 — Surah Al-Muminun 23:99

Mpaka yanapo mfikia mmoja wao mauti, husema: Mola wangu Mlezi! Nirudishe

Verse 100 — Surah Al-Muminun 23:100

Ili nitende mema sasa badala ya yale niliyo yaacha. Wapi! Hii ni kauli aisemayo yeye tu. Na nyuma yao kipo kizuizi mpaka siku watapo fufuliwa

Verse 101 — Surah Al-Muminun 23:101

Basi litapo pulizwa baragumu hapo hautakuwapo ujamaa baina yao siku hiyo, wala hawataulizana

Verse 102 — Surah Al-Muminun 23:102

Ama wale ambao mizani zao zitakuwa nzito, hao ndio wenye kufanikiwa

Verse 103 — Surah Al-Muminun 23:103

Na wale ambao mizani zao zitakuwa nyepesi, hao ndio walio zitia khasarani nafsi zao, na katika Jahannamu watadumu

Verse 104 — Surah Al-Muminun 23:104

Moto utababua nyuso zao, nao watakuwa na nyuso zilizo kunjana

Verse 105 — Surah Al-Muminun 23:105

Je! Hazikuwa Aya zangu mkisomewa, na nyinyi mkizikanusha

Verse 106 — Surah Al-Muminun 23:106

Mola wetu Mlezi! Tulizidiwa na uovu wetu na tukawa watu tulio potea

Verse 107 — Surah Al-Muminun 23:107

Mola wetu Mlezi! Tutoe humu Motoni. Na tufanyapo tena basi kweli sisi ni wenye kudhulumu

Verse 108 — Surah Al-Muminun 23:108

Atasema Mwenyezi Mungu: Tokomeeni humo, wala msinisemeze

Verse 109 — Surah Al-Muminun 23:109

Bila ya shaka lilikuwapo kundi katika waja wangu likisema: Mola wetu Mlezi! Tumeamini; basi tusamehe na uturehemu, nawe ndiwe Mbora wa wanao rehemu

Verse 110 — Surah Al-Muminun 23:110

Lakini nyinyi mliwakejeli hata wakakusahaulisheni kunikumbuka, na mlikuwa mkiwacheka

Verse 111 — Surah Al-Muminun 23:111

Hakika Mimi leo nimewalipa kwa vile walivyo subiri. Bila ya shaka hao ndio wenye kufuzu

Verse 112 — Surah Al-Muminun 23:112

Atasema: Mlikaa muda gani katika ardhi kwa hisabu ya miaka

Verse 113 — Surah Al-Muminun 23:113

Watasema: Tulikaa siku moja au sehemu ya siku. Basi waulize wanao weka hisabu

Verse 114 — Surah Al-Muminun 23:114

Atasema: Nyinyi hamkukaa huko duniani ila kidogo, laiti ingeli kuwa mnajua

Verse 115 — Surah Al-Muminun 23:115

Je! Mlidhani ya kwamba tulikuumbeni bure na ya kwamba nyinyi kwetu hamtarudishwa

Verse 116 — Surah Al-Muminun 23:116

Ametukuka Mwenyezi Mungu, Mfalme wa Haki, hapana mungu ila Yeye, Mola Mlezi wa A'rshi Tukufu

Verse 117 — Surah Al-Muminun 23:117

Na anaye muomba - pamoja na Mwenyezi Mungu - mungu mwenginewe hana ushahidi wa hili; basi bila ya shaka hisabu yake iko kwa Mola wake Mlezi. Kwa hakika makafiri hawafanikiwi

Verse 118 — Surah Al-Muminun 23:118

Nawe sema: Mola wangu Mlezi! Samehe na urehemu nawe ni Mbora wa wanao rehemu